صدر اوبامہ کی جانب سے حج اور عيد الأضحى کے موقع پر بيان

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

مشال اور ميں عيد الأضحى کے پرمسرت موقع پر دنيا بھر کے مسلمانوں کو نيک خواہشات اور حج کی سعادت حاصل کرنے والوں کو مبارک باد پيش کرتے ہيں۔ ہزاروں کی تعداد ميں امريکی مسلمان بھی ان میں شامل ہیں جنھوں نے مکہ اور گردونواح کے مقامات تک سفر کر کے دنيا کے عظيم ترين اور متنوع اجتماع میں شرکت کی ہے۔

عيد کی خوشياں منانے کے ساتھ مسلمان حضرت ابراہیم علیہ السلام کی اپنے بيٹے کی قربانی کے جذبے کو زندہ کرتے ہوۓ دنيا بھر ميں محتاجوں ميں خوراک بھی تقسيم کرتے ہيں۔ وہ امريکہ اور عالمی برادری کے ساتھ مل کر شمال مشرقی افريقہ اور ترکی کے تباہ کن زلزلے کے نتيجے ميں متاثر ہونے والوں کی بحالی کے ليے جاری کاروائيوں ميں مدد بھی فراہم کررہے ہيں۔

عيد اور حج کی رسومات دنيا ميں ابراہيمی اديان کی مشترکہ جڑوں کی ياد تازہ کرتی ہيں اور انسانی آباديوں کو خدمت خلق کے جذبے اور ضرورت مندوں کی داد رسی کے ليے راغب کرنے کے لیے ايمان کے مضبوط کردار کی غمازی کرتی ہيں۔

امريکی عوام کی جانب سے حج کے اس موقع پر ہماری نيک تمنائيں آپ کے ساتھ ہيں۔

عيد مبارک اور حج مبرور۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/pages/USUrduDigitalOutreach/122365134490320?v=wall