شہتوت کے فوائد

شہتوت کے فوائد۔

شہتوت لال، ہرے ، سفید اور کالے رنگ میں پائے جاتے ہیں۔ سیاہ رنگ کے شہتوت کی بے دانہ قسم اعلی تصور کی جاتی ہے،
یہ رس سے لبریز اور شیریں ہوتا ہے۔ عموما میٹھے شہتوت کھانے سے طبیعت پر سکون ہوتی ہے۔ یہ پھل بے چینی، گھبراہٹ، چڑچڑاپن اور غصہ دور کرکے شفاف خون، جگر ، تلی کو تقویت پہنچاتا ہے۔ اس میں مصفا پانی، گوشت بنانے والے اجزا ، نشاستے دار شکر ہوتی ہے۔ اس کے کیمیائی اجزا میں تانبا، آئیڈین، پوٹاشیم، کیلشیم، فولاد، فاسفورس اور روغنیات شامل ہیں۔ شہتوت میں وٹامن اے، بی اور ڈی کی وافر مقدار پائی جاتی ہیں۔ یہ قبض کشا کے ساتھ بلغمی مادہ خارج کرنے، شدید کھانسی، گلے کے درد میں بھی اکسیر ہوتا ہے۔