شکوہ جواب شکوہ کی طرز پر کلام یہاں اپ لوڈ کریں

جواب: شکوہ جواب شکوہ کی طرز پر کلام یہاں اپ لوڈ کریں

کلام تو مل جاتے ہیں لیکن پہلے آپ تو کچھ شئیر کریں۔ تو ہم لوگ بھی کوشش کریں گے۔

 

جواب: شکوہ جواب شکوہ کی طرز پر کلام یہاں اپ لوڈ کریں

لیں جناب ہم اپنا ہی کلام پیش کر دیتے ہیں ------------



کائنات میں جھرمٹِ آسمان چمکایا کس لئے
زمین پہ خلقتِ جہان بسایا کس لئے

نور و نار کو سجدہ انسان پہ جھکایا کس لئے
علم و عرفان میں یکتا آدم بنایا کس لئے

کلمہ توحید سے قلبِ ایمان گرمایا کس لئے
ہوا آگ پانی سے بنی آدم بہلایا کس لئے

خواص آدمیت سے پیغامِ حق پہنچایا کس لئے
قوتِ ابلیس سے ترغیبِ نفس بہکایا کس لئے

موت کے پردہ میں زندگی کو سلایا کس لئے
لسانِ محبوب سے اپنا کلام سنایا کس لئے


ہر روپ و رنگ میں خود کو چھپایا کس لئے
پیاروں کو آزمائشِ صبر سے آزمایا کس لئے

دکھ کی ساعتوں میں تمہیں ہم نے بھلایا کس لئے
تیرے حکم پہ نہ سر کو اپنے جھکایا کس لئے

اپنی فنا سے تیرے رازِ بقاء کو نہ پایا کس لئے
جوانی کو بڑھاپا سے نہ ہم نے بچایا کس لئے

بیج رحم میں جمایا مٹی میں دبایا کس لئے
آنکھوں میں خوف پلکوں پہ سجایا کس لئے

دو ہاتھوں سے ایمانِ سر سے آنچل گرایا کس لئے
مکانِ محبت میں درِ نفرت کو بنوایا کس لئے

نعمتوں رحمتوں کو نفسِ آگ میں جلایا کس لئے
آبِ قرار کو آتشِ زنار میں جلایا کس لئے

خوشی کے ہر پل میں دکھ کا ٹانکا لگایا کس لئے
زمین پر ہی انگارِ جہنم کو دھکایا کس لئے

مسلمان نے ہی بدعت و کفر کا تالا لگایا کس لئے
قرآن ایک تفسیر سے گھر جدا جدا بنایا کس لئے


دردستک/ محمودالحق

 

جواب: شکوہ جواب شکوہ کی طرز پر کلام یہاں اپ لوڈ کریں

محمود بھائی بہت ہی عمدہ کلام ہے آپ کا۔ شکریہ ہمارے ساتھ شئیر کرنے کا۔