شمالی وزیرستان: ڈورن حملے میں ’15 شدت پسند ہلاک‘

اطلاعات کے مطابق بدھ کی صبح دتہ خیل کے گاؤں زوئی سیدگی میں دہشت گردوں کے زیر استعمال ایک مکان پر چار میزائل داغے گئے۔

پاکستان کے قبائلی شمالی وزیرستان میں مشتبہ امریکہ ڈرون حملے میں کم از کم 15 مبینہ جنگجو ہلاک ہو گئے۔
اطلاعات کے مطابق بدھ کی صبح دتہ خیل کے گاؤں زوئی سیدگی میں دہشت گردوں کے زیر استعمال ایک مکان پر چار میزائل داغے گئے۔
ہلاک ہونے والوں کی شناخت سے متعلق آزاد ذرائع تصدیق نہیں ہو سکی ہے کیوں کہ جس علاقے میں یہ حملہ ہوا وہاں تک میڈیا کی رسائی نہیں۔
گزشتہ ہفتے بھی شمالی وزیرستان کی تحصیل دتہ خیل میں ڈرون حملے میں ایک گھر اور گاڑی کو نشانہ بنایا گیا تھا جس میں کم از کم چھ شدت پسند مارے گئے تھے۔
شمالی وزیرستان میں دہشت گردوں کے خلاف 15 جون سے آپریشن ’ضرب عضب‘ جاری ہے اور اس دوران ہونے والے یہ تیسرا مشتبہ امریکی ڈرون حملہ ہے۔
پاکستان ان ڈرون حملوں کو ملک کی سالمیت کی خلاف ورزی قرار دیتے ہوئے ان کی بندش کا مطالبہ کرتا آیا ہے۔
http://www.urduvoa.com/content/drone-kiilled-militant-north-waziristan/1958451.html

 

شمالی وزیرستان، امریکی ڈرون حملے میں ہلاکتوں کی تعداد 20 ہوگئی، 5 افراد زخمی

شمالی وزیرستان میں جاری آپریشن ضرب عضب کے بعد سے ایک ماہ کے دوران امریکی ڈرون طیاروں کا یہ دوسرا حملہ ہے. فوٹو: فائل

شمالی وزیرستان میں ڈرون حملے کے نتیجے میں 20 افراد ہلاک جبکہ 5 زخمی ہوگئے۔
ایکسپریس نیوز کے مطابق امریکی جاسوس طیاروں نے شمالی وزیرستان کی تحصیل دتہ خیل میں 4 میزائل داغے جس کے نتیجے میں 20 افراد کے ہلاک ہوگئے جبکہ حملے میں 5 افراد زخمی بھی ہوئے۔ ذرائع کے مطابق امریکی ڈرون طیارے نے ایک گاڑی اور ایک گھر کو نشانہ بنایا جس کے بعد جاسوس طیاروں کی مسلسل نچلی پروازیں جاری ہیں جس سے علاقے میں شدید خوف و ہراس پایا جاتا ہے۔
واضح رہے کہ شمالی وزیرستان میں جاری آپریشن ضرب عضب کے بعد سے ایک ماہ کے دوران امریکی ڈرون طیاروں کا یہ دوسرا حملہ ہے جبکہ رواں سال ہونے والے ڈرون حملوں کی تعداد 3 ہوگئی۔
http://www.express.pk/story/271716/