شعرلکھیں لفظ ہم بتاتے ھیں

ہم بھی شاعر تھے کبھی جانِ سخن یاد نہیں
تجھ کو بھولے ہیں تو دلدارئ فن یاد نہیں
فراز

دلدار

 

کیا صبا کوچۂ دلدار سے تو آتی ہے
مجھ کو اپنے دل گم گشتہ کی بو آتی ہے
(داغ دہلوی)
۔۔۔۔۔۔۔۔۔۔۔۔۔۔۔۔۔۔
سرمہ

 

خيرہ نہ کر سکا مجھے جلوہ دانش فرنگ
سرمہ ہے ميری آنکھ کا خاک مدينہ و نجف
علامہ اقبال
۔۔۔۔۔۔۔۔۔۔۔۔۔۔۔
دانش

 

جہاں میں دانش و بینش کی ہے کس درجہ ارزانی
کوئی شے چھپ نہیں سکتی کہ یہ عالم ہے نورانی
ہ دنیا دعوت دیدار ہے فرزند آدم کو
کہ ہر مستور کو بخشا گیا ہے ذوق عریانی
اقبال
-----------
مستور

 

لاکھ چھپتے ہو مگر چھپ کے بھی مستور نہیں
تم عجب چیز ہو، نزدیک نہیں دور نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔
نہاں

 

خموشی میں نہاں، خوں گشتہ لاکھوں آرزوئیں ہیں
چراغِ مُردہ ہوں، میں بے زباں، گورِ غریباں کا
غالب
------------
گور غریباں

 

ٹک گور غریباں کی کر سیر کہ دُنیا میں
ان ظلم رسیدوں پر کیا کیا نہ ہوا ہوگا
(میر تقی میر)
۔۔۔۔۔۔۔۔۔۔۔۔۔۔۔۔۔۔۔۔۔
اشتیاق

 

اب اُس کو کھو رہا ہوں بڑے اشتیاق سے
وہ جس کو ڈھوندنے میں زمانہ لگا مجھے
محسن نقوی

بہانہ

 

مجھ سے کہتا ہے کہ سائے کی طرح ساتھ ہوں میں
یُوں نہ ملنے کا نکالا ہے بہانہ کیسا
(سلیم احمد)
۔۔۔۔۔۔۔۔۔۔۔۔۔۔۔۔۔۔۔۔۔
ورق

 

یہ مری کتاب حیات ھے اسے دل کی آنکھ سے پڑھ ذرا
میں ورق ورق ترے سامنے ترے روبرو ترے پاس ھوں
---------------
روبرو

 

ایک ہلکی سی چبھن احساس کو گھیرے رہی
گفتگو میں جب تُمھارا ذِکر آیا اِس طرف
----------
چبھن

 

خطاؤں کی چبھن فوراً کہاں محسوس ہوتی ہے
ندامت کی طرف آتا ہے دل آہستہ آہستہ
۔۔۔۔۔۔۔۔۔۔۔۔۔
دامن

 

اُس کو مطلوب ہیں کچھ قلب و جگر کے ٹکڑے
جیب و دامن نہ کوئی پھاڑ کے دیوانہ بنے
اصغر گونڈوی
-------------
ٹکڑے

 

جب کسی نے بھی سنائے اپنے غم کے واقعات
اس میں کچھ ٹکڑے ہماری داستاں کے آگئے
۔۔۔۔۔۔۔۔۔۔۔۔۔۔۔۔۔۔۔۔
پیوست

 

مرے چارہ گرکو نوید ہو، صفِ دشمناں کو خبر کرو
و ہ جو قرض رکھتے تھے جان پر وہ حساب آج چکا دیا
(فیض احمد فیض)
۔۔۔۔۔۔۔۔۔۔۔۔۔۔۔۔
عشاق

 

ہم تو مجبورِ وفا ہیں مگر اے جانِ جہاں
اپنے عشاق سے ایسے بھی کوئی کرتا ہے

سخن

 

عمر اتنی تو عطا کر مرے فن کو خالق
مرا دشمن مرے مرنے کی خبر کو ترسے
۔۔۔۔۔۔۔۔۔۔۔۔۔۔۔
معجزہ

 

تم چاندنی ہو‘ پھول ہو‘ نغمہ ہو‘ شعر ہو
اللہ رے! حسنِ ذوق مرے انتخاب کا
۔۔۔۔۔۔۔۔۔۔۔۔۔۔
تذکرہ

 

وہ کررہے تھے اپنی وفاوں کا تزکرہ
دیکھا مجھے تو بات کا پہلو بدل گے
----------------
ریزہ

 

ریزہ ریزہ ھوکے بکھر گیا ھے بدن خلاؤں میں
بڑی مہنگی پڑی ھے چاند کی چاندنی ھمیں
--------------------
چاند

 

چاند بھی میری طرح حُسن شناسا نکلا
اس کی دیوار پہ حیران کھڑا ہے کب سے
۔۔۔۔۔۔۔۔۔۔۔۔۔
شتاب

 

دیکھا پلک اٹھاکے تو پایا نہ کچھ اثر
اے عمر برق جلوہ گئی تو شتاب کیا
-----------
چلمن

 

خوب پردہ ہے کہ چلمن سے لگے بیٹھے ہیں
صاف چھپتے بھی نہیں سامنے آتے بھی نہیں
---------------------
پردہ

 

پوشیدہ راز عشقِ چلا جائے تھا سو آج
بے طاقتی نے دل کی وہ پردہ اُٹھا دیا
۔۔۔۔۔۔۔۔۔۔۔۔۔۔۔۔
پوشیدہ

 

بڑے اسرار پوشیدہ ہیں اِس تنہا پسندی میں
یہ مت سمجھو کہ دیوانے جہاں دیدہ نہیں ہوتے
------------------
دیوانے