شعرلکھیں لفظ ہم بتاتے ھیں

جواب: شعرلکھیں لفظ ہم بتاتے ھیں

گر زبان سے کہ دیا لا الہ تو کیا حاصل
دل و نگاہ مسلماں نہیں تو کچھ نہیں


لا الہ

 

جواب: شعرلکھیں لفظ ہم بتاتے ھیں

قلندروں کی اذاں لا الہ الا اللہ
سرودِ زندہ دلاں لا الہ الا اللہ
سکونِ قلب تپاں لا الہ الا اللہ
دوائے دردِ نہاں لا الہ الا اللہ
فروغِ کون و مکاں لا الہ الا اللہ
تجلیوں کا جہاں لا الہ الا اللہ
۔۔۔۔۔۔۔۔
نہاًں

 

جواب: شعرلکھیں لفظ ہم بتاتے ھیں

اِظہار ِ مَحبت میں بھلا عیب ہی کیا ہے
یہ بھید زمانے سے نہاں بھی تو نہیں ہے

(امین عاصم)
۔۔۔۔۔۔۔۔۔۔
بھید

 

جواب: شعرلکھیں لفظ ہم بتاتے ھیں

بھید واعظ اپنا کھلوایا عبث
دل جلوں کو تو نے گرمایا عبث
حالی
۔۔۔۔۔۔۔۔۔۔۔۔۔
واعظ

 

جواب: شعرلکھیں لفظ ہم بتاتے ھیں

خدا کرے کہ تجھے منزلِ مراد مِلے
کسی کا نقشِ کف ِ پا ہوں پائمال نہ کر

نقشِ کف ِ پا

 

جواب: شعرلکھیں لفظ ہم بتاتے ھیں

تو بھی محدود نہ ہو مجھ کو بھی محدود نہ کر
اس کے نقشِ کفِ پا کو میری منزل نہ بنا

محدود

 

جواب: شعرلکھیں لفظ ہم بتاتے ھیں

اپنی پلکوں پہ جمی گرد کا حاصل مانگے
وہ مسافر ہوں جو ہر موڑ پہ منزل مانگے

میری وسعت کی طلب نے مجھے محدود کیا
میں وہ دریا ہوں جو موجوں سے بھی ساحل مانگے


ساحل

 

جواب: شعرلکھیں لفظ ہم بتاتے ھیں

اب کسے ساحِل اُمید سے تکتا ہے فراز
وہ جو ایک کشتی دل تھی اسے غرقاب سمجھ

غرقاب

 

جواب: شعرلکھیں لفظ ہم بتاتے ھیں

ہوں پہلے ہی میں عشق میں غرقابِ خجالت
کیا مجھ کو ڈبوتے ہیں مرے دیدہء تر اور بھی

خجالت

 

جواب: شعرلکھیں لفظ ہم بتاتے ھیں

ہلال اور بدر کے تقابل نے محوِ حیرت بنا دیا ہے
وہ عید کا چاند دیکھتے ہیں، میں اُن کی صورت کو دیکھتا ہوں
شاد عارفی
۔۔۔۔۔۔۔۔۔۔۔۔
چاند

 

جواب: شعرلکھیں لفظ ہم بتاتے ھیں

وہ بام پہ چڑھ آئے دیکھن کو نیا چاند
لوگوں نے ان کو دیکھ کے یکلخت کہا چاند
-----------------------------
قرب

 

جواب: شعرلکھیں لفظ ہم بتاتے ھیں

یہ قرب کیا ہے کہ تو سامنے ہے اور ہمیں
شمار ابھی سے جدائی کی ساعتیں کرنی

شمار

 

جواب: شعرلکھیں لفظ ہم بتاتے ھیں

نہ حریفِ جاں نہ شریکِ غم شبِ انتظار کوئی تو ہو
کسے بزمِ شوق میں لائیں ہم دلِ بے قرار کوئی تو ہو

شوق

 

جواب: شعرلکھیں لفظ ہم بتاتے ھیں

وہ فراق اور وہ وصال کہاں
وہ شب و روز و ماہ و سال کہاں

فرصتِ کاروبارِ شوق کسے
ذوقِ نظارہ جمال کہاں

نظارہ

 

جواب: شعرلکھیں لفظ ہم بتاتے ھیں

غرض میں کیا کہوں تجھ سے کہ وہ صحرا نشیں کیا تھے
جہاں گیر و جہاں دار و جہاں بان و جہاں آرا
اگر چاہوں تو نقشہ کھینچ کر الفاظ میں رکھ دوں
مگر تیرے تخیل سے فزوں تر ہے وہ نظارا

الفاظ

 

جواب: شعرلکھیں لفظ ہم بتاتے ھیں

عبدالجبار بھای
آپ کا دیا ہوا لفظ :حوصلہ: شعر میں نہیں تھا بھر حال۔۔۔۔۔۔۔

میں خود زمیں ہوں مگر ظرف آسمان کا ہے
کہ ٹوٹ کر بھی میرا حوصلہ چٹان کا ہے

بُرا نہ مان--مِرے حرف زہر زہر سہی
میں کیا کروں کہ یہی ذائقہ زبان کا ہے

-------------

ذائقہ

 

جواب: شعرلکھیں لفظ ہم بتاتے ھیں

دل کو شہرت کی چمک اچھی لگی انور، مگر
آنکھ کو اس روشنی کا ذائقہ کڑوا لگا
۔۔۔۔۔۔۔۔۔۔۔۔۔۔
کڑوا

 

جواب: شعرلکھیں لفظ ہم بتاتے ھیں

عشق تھا پہلے پہل خوش ذائقہ اے چارہ گر
بعد میں دیوانگی کا ذائقہ کڑوا لگا

چارہ گر

 

جواب: شعرلکھیں لفظ ہم بتاتے ھیں

اب نہ ہم پر چلے گا تمہارا فسوں

چارہ گر میں تمہیں کس طرح سے کہوں

تم نہیں چارہ گر، کوئی مانے، مگر

میں نہیں مانتا، میں نہیں مانتا

-------------

فسوں

 

جواب: شعرلکھیں لفظ ہم بتاتے ھیں

اُس کا اپنا ہی کرشمہ ہے فسوں ہے یوں ہے
یوں تو کہنے کو سبھی کہتے ہیں یوں ہے یوں ہے

کرشمہ

 

جواب: شعرلکھیں لفظ ہم بتاتے ھیں

لفظ کو پھول بنانا تو کرشمہ ہے فرازؔ
ہو نہ ہو کوئی تو ہے تیری نگارش میں شریک
۔۔۔۔۔۔۔۔۔۔۔۔
نگارش
۔۔۔۔۔۔۔۔۔۔۔​

 

جواب: شعرلکھیں لفظ ہم بتاتے ھیں

معاف کیجیے گا نگارش پہ مجھے کوئی شعر نہیں آتا

جیت پر خوش ھو تجھے اس سے غرض کیا میرے دوست
تیری خوشیوں کے لیے جان سے ہارا کوئی دوست[/
COLOR]​

ساغر و مینا

 

جواب: شعرلکھیں لفظ ہم بتاتے ھیں

لفظ تو دیا ہی نہیں، خیر آخری شعر سے لفظ محشر لے لیتے ہیں۔

محبت نے اسے آغوش میں بھی پا لیا آخر
تصور ہی میں رہتا تھا جو اِک محشر خرام اکثر
۔۔۔۔۔۔۔۔۔۔۔۔۔۔۔۔۔۔۔
خرام​

 

جواب: شعرلکھیں لفظ ہم بتاتے ھیں

اذنِِ خرام لیتے ہوئے آسماں سے ہم
ہٹ کر چلے ہیں راہگزر کارواں سے ہم

اذن