شریعت کا نظامِ اصل قرآنِ مبیں پر ہے ۔ابرار احمد ، سمستی پور

شریعت کا نظامِ اصل قرآنِ مبیں پر ہے
مگر تکمیل ایماں آمنہ کے مہ جبیں پر ہے

ولادت با سعادت جب ہوئ سرکار بطحا کی
سلامی دینے کو آیا ملک فرشِ زمیں پر ہے

عبادت اور ریاضت کا ذخیرہ لاکھ ہو لیکن
"گنہ گاروں کی بخشش رحمت اللعالمیں پر ہے"

کرو؛ سجدوں پہ سجدہ زاہدو! بیشک مساجد میں
نگاہ شوق کا سجدہ مدینے کی زمیں پر ہے

کسی کا کچھ نہیں چارہ چلے گا روز محشر میں
سبھی کی لاج کو رکھنا شفیع المذنبیں پر ہے

شبِ معراج میں روح الامیں سرکار بطحا کو
جگایا رکھ کے پلکیں انکے پائے نازنیں پر ہے

تذبذب میں پڑے ہیں جو انھیں ابرار! تم کہ دو
ہماری زندگی کی ڈور ختم المرسلیں پر ہے

ابرار احمد ، سمستی پور​

 

اللہ تعالیٰ آپ کو بھی جزائے خیر عطا کرے آمین