شرط، الفت ہے ، عدیمؔ ! آقاﷺ کی پائے خوشبو۔۔ عباس عدیمؔ قریشی

صلی اللہ علیہ وآلہ وسلم​

شرط، الفت ہے ، عدیمؔ ! آقاﷺ کی پائے خوشبو
ان کا ہو، دیکھ ! تری سانسوں سے آئے خوشبو

مخزنِ خوشبو، مرے شاہ کا روضہ ہے فقط
طشت بھر بھر کے زمانے میں لٹائے خوشبو

ان کی الفت جسے عطّار بنا دیتی ہے
کیا ضرورت ہے اسے پھر کیوں؟ لگائے خوشبو

کیوں نہ میں نقشِ کفِ پائے محمدﷺ چوموں؟
جن کی راہوں کا پتہ آپ بتائے خوشبو

سارا ماحول تصوّر سے مہک جاتا ہے
مجھ کو کافی ہے ترا نام برائے خوشبو

میں یہ سمجھوں گا، مرے آقاﷺ بلاتے ہیں مجھے
کاش طیبہ سے صبا، دوش پہ لائے خوشبو

میں چھپاتا ہوں، چھلکتی ہے یہ آنسو بن کر
عشقِ احمد کی کوئی کیسے ؟ چھپائے خوشبو

پھر یقیں کرنا، غلاموں میں مجھے رکھا ہے
دیکھ لینا مری نیّت سے جو آئے خوشبو

فصلِ گل، بابِ محمدﷺ پہ ہے خیرات طلب
پھول کشکول، چمن سارا گدائے خوشبو

اب بھی خوشبو ہے مجاور درِ بوصیری پر
ناز عشّاقِ نبی کے یوں اٹھائے خوشبو

روحِ گلشن مرے آقاﷺ کا پسینہ ہے عدیمؔ
بوئے احمد سے بنے عطر "سرائے خوشبو"
------​

عباس عدیمؔ قریشی
مجموعہ نعتﷺ " اغثنی "​

 

اللہ تعالیٰ آپ کو بھی جزائے خیر عطا کرے آمین

 

جذاک اللہ خیرا کثیرا

 

اللہ تعالیٰ آپ کو بھی جزائے خیر عطا کرے آمین

 

آمین. و ایاکَ

 

شرط، الفت ہے ، عدیمؔ ! آقاﷺ کی پائے خوشبو
ان کا ہو، دیکھ ! تری سانسوں سے آئے خوشبو​

 

سارا ماحول تصوّر سے مہک جاتا ہے
مجھ کو کافی ہے ترا نام برائے خوشبو​

 

روحِ گلشن مرے آقاﷺ کا پسینہ ہے عدیمؔ
بوئے احمد سے بنے عطر "سرائے خوشبو"​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرےآمین