شاہ محمود قریشی کی تحریک انصاف میں شمولیت کا اعلان

تحریک انصاف کی سیاست میں بہت بڑی تبدیلی رونما ہوچکی ہے۔ معروف سیاست دان اور سابق وزیر خارجہ شاہ محمود قریشی نےاندرون سندھ کے علاقہ گھوٹکی میں ایک بہت بڑے جلسے میں‌شمولیت کا باقاعدہ اعلان کیا ہے۔جلسہ میں عمران خان نے بھی شریک تھے جنہوں نے شاہ محمود قریشی نے اپنے خطاب کے دوران تحریک انصاف میں‌باقاعدہ شمولیت کی دعوت دی ہے۔شاہ محمود قریشی ایک ہائی پروفائل سیاستدان ہیں اور حالیہ ریمنڈ ڈیویس کیس کے دوران ان کو استعفیٰ دینے کے حوالے سے کافی شہرت حاصل ہوئی ہے۔ان کی شمولیت سے تحریک انصاف کے وزن میں یقینی اضافہ ہوگا۔

 

جواب: شاہ محمود قریشی کی تحریک انصاف میں شمولیت کا اعلان

اس سے شاہ محمود قریشی کو اتنا فائدہ نہیں ہو گا جتنا تحریک انصاف کو ۔۔۔

 

جواب: شاہ محمود قریشی کی تحریک انصاف میں شمولیت کا اعلان

ملتان کی سیاست ن لیگ، پیپلزپارٹی کے گرد گھومتی ہے۔ ملتان کے اہم سیاسی شخصیات میں شاہ محمود قریشی کے علاوہ یوسف رضا گیلانی کی فیملی، جاوید ہاشمی، سکندر حیات بوسن، طاہررشید، ابراہیم خان، رانا محمود الحسن، لیاقت علی خان، دیوان یوسف ہیں۔

طاہررشید، لیاقت علی خان، ابراہیم خان، دیوان یوسف، شاہ محمود قریشی تحریک انصاف میں چلے گئے ہیں۔ سکندر حیات بوسن جو یوسف رضاگیلانی کا روایتی حریف ہے اور دو بار یوسف رضا گیلانی کو شکست دے چکا ہے۔ وہ بھی تحریک انصاف میں شامل ہورہا ہے۔
شاہ محمود قریشی کے شامل ہونے کے بعد ملتان سے مزید افراد تحریک انصاف میں شامل ہوں گے اور اس کا نقصان پیپلزپارٹی اور ن لیگ کو ہوگا۔

 

جواب: شاہ محمود قریشی کی تحریک انصاف میں شمولیت کا اعلان

عمران خان وہی لوگوں کو اپنی پارٹی میں لئے جا رہے ہیں جو پہلے سے ملک کو لوٹ چکے ہیں۔۔ میری تو سمجھ میں نہیں آتا کیا ہو گا۔۔ مجھے لگتا ہے عمران خان جیت بھی گئے تو ان لوگوں‌میں ہی پھنس جائیں گے۔۔

 

جواب: شاہ محمود قریشی کی تحریک انصاف میں شمولیت کا اعلان

یہ تو بہت غلط ہو گا پھر۔۔ ایک عمران خان کیسے سب کو ٹھیک کریں گے؟؟ یہ تو انہیں کا حصہ بننے پر مجبور ہو جائیں گے۔۔

 

جواب: شاہ محمود قریشی کی تحریک انصاف میں شمولیت کا اعلان

آصف ٹھیک بتا سکتے ہیں۔۔ ان کے پاس تحریک انصاف کا کوئی عہدہ بھی ہے۔۔

 

جواب: شاہ محمود قریشی کی تحریک انصاف میں شمولیت کا اعلان

یہ سچ ہے کہ عمران‌خان کے ساتھ زیادہ تر وہ لوگ شامل ہورہے ہیں جو پہلے بھی دو یا تین پارٹیاں بدل چکے ہیں اور عمران خان نے یہ بھی کہہ دیا ہے کہ جو پارٹی میں شامل ہونا چاہے، شامل ہوجائے لیکن ایک کارکن کی حیثیت سے۔ الیکشن کا ٹکٹ ایک سکروٹنی بورڈ امیدوار کی سکروٹنی کرکے دے گا۔ عمران‌خان نے اس سے پہلے راوالپنڈی کے اعجاز خان جازی کو ٹکٹ دیا اور بعد میں ٹی وی پر آکر اعتراف کیا کہ یہ اس کی بہت بڑی غلطی تھی۔ اس وقت تحریک انصاف میں کرپٹ لوگ کم شامل ہورہے ہیں زیادہ تر لوگ دوسری پارٹیوں سے شامل ہورہے ہیں جنہوں نے مشرف، ضیاء الحق کا ساتھ دیا تھا۔ میاں اظہر، شاہ محمود قریشی، چوہدری اصغر، ظہیر عباس کھوکھر، میاں محمودالرشید، فاروق امجد میر، مسعود شریف خٹک، ابراہیم خان نئے پارٹی میں‌آئے ہیں ان پر کرپشن کا کوئی الزام نہیں، یہ لوگ پیپلزپارٹی، ق لیگ، ن لیگ، اے این پی سے آئے ہیں۔

پارٹی بدلنا تو ہماری سیاست کی روایت ہے۔ ہمارے ہاں‌بھٹو نے بھی کنونشن مسلم لیگ چھوڑ کر پیپلزپارٹی بنائی، نواز شریف نے تحریک استقلال چھوڑ‌کر ضیاء الحق کو جوائن کیا اور بعد ازاں آئی جے آئی، ن لیگ بنالی، چوہدریوں کی روایت بھی ایسی ہی ہے۔ جاوید ہاشمی کا تعلق پہلے جماعت اسلامی سے تھا۔

اب مسئلہ یہ ہے کہ ہمارے ہاں ایسے ادارے بننے ہی نہیں دئیے گئے جو نئے سیاستدان پیداکرسکیں۔ نئے سیاستدان سٹوڈنٹ یونین، ورکر یونین، بلدیاتی نظام سے پیدا ہوتے ہیں۔ ہمارے پاس خیر سے یہ نہیں ہیں۔

 

جواب: شاہ محمود قریشی کی تحریک انصاف میں شمولیت کا اعلان

عمران خان پر کرپشن کا کوئی الزام نہیں۔ اس میں اچھے مینیجر کی خوبیاں‌موجود ہیں۔ اگر اوپر بیٹھا شخص ٹھیک ہوجائے تو نیچے والے خود ہی ٹھیک ہوجاتے ہیں۔ اچھے اوربرے لوگ ہر پارٹی میں موجود ہیں۔

لیکن عمران خان کا کیس ذرا مختلف ہے، وہ دو بڑی جماعتوں کے لئے خطرہ بن رہا ہے اور دونوں جماعتیں اسے دل سے قبول نہیں کریں گی۔ اس لئے اس پر تنقید بھی سب سے زیادہ ہوگی، اس کی چھوٹی چھوٹی باتوں کو اچھالا جائے گا اس لئے اسے محتاط رہنے کی ضرورت ہے اور یقیننا وہ محتاط رہے گا۔

 

جواب: شاہ محمود قریشی کی تحریک انصاف میں شمولیت کا اعلان

عمران خان کا کیریئر بطور کپتان کامیاب ضرور رہا مگر وہ بہت ہی آمر رہے ہیں۔ اس لئے برائے مہربانی کوئی بہت بڑی تبدیلی کی ان سے امید رکھنا ان سے زیادتی ہوگی۔ کیونکہ اا رکنی ٹیم کو چلانا اور ایک سیاسی جماعت کو چلانے میں‌بہت فرق ہوتا ہے۔خدا کرے کہ وہ یوتھ کی امیدوں پر پورا اتر سکیں

 

جواب: شاہ محمود قریشی کی تحریک انصاف میں شمولیت کا اعلان

عمران خان بطور شخص، بطور پاکستانی ، بطور کرکٹر، بطور بانی کینسر ہسپتال اور بطور کھرا انسان ایک عظیم شخصیت ہے۔ ہر سچا پاکستانی عمران خان کی حب الوطنی اور ملک کے لیے کچھ کرگذرنے کی خواہش کی قدر کرتا ہے۔ اور میری دلی دعا ہے کہ اللہ تعالی ہمارے وطن کو ایک ایسا نجات دہندہ ضرور عطا کرے جو ملک کو موجودہ بھنور سے نکال کر ترقی و فلاح کی منزل کی جانب گامزن کرسکے۔

لیکن سوال موجودہ نظام کا ہے ۔۔۔ عمران خان کے ساتھ جتنے بھی ایماندار ہوں۔ دیانتدار اور حق حلال کی آمدنی رکھنے والے ہوں
میرا سوال ہے کہ موجودہ سسٹم میں ایک حلقے سے الیکشن لڑنے کے لیے محتاط اندازے کے مطابق 5تا8کروڑ روپے تو کم از کم درکار ہوتے ہیں۔۔۔ موجودہ مہنگائی کا تناسب بھی یہی بتاتا ہے۔
اب پورے پاکستان سے ہر حلقے سے الیکشن کے امیدوار کھڑے کرکے کم و بیش 4سو سے زائد ایسے ایماندار ، دیانتدار امیدواران اکٹھے کرنا جو کہ اپنی "حق حلال " کی کمائی سے 5تا8 کروڑ روپے فی حلقہ لگا کر اسمبلی میں‌پہنچ سکیں۔۔ کوئی آسان کام نہیں۔۔ اور اگر کوئی دوست مجھے سمجھا سکے کہ عمران خان یا اسکی پارٹی یہ کام کیسے کر پائے گی تو بڑی مہربانی ہوگی ۔
نمبر2۔ اگر پارٹیاں بدلنے والے عمران کے ٹکٹ پر کامیاب ہوکر پہنچ بھی گئے تو کیا گارنٹی ہے کہ عمران خان کے عادلانہ و منصفانہ اور کرپشن سے پاک پالیسیوں سے بغاوت کرکے وہ پھر کسی اور پارٹی کے ساتھ نہ جا ملیں گے؟
نمبر3۔۔۔ جو آدمی 5تا8 کروڑ روپے خرچ کرکے اسمبلی پہنچے گا۔۔ کیا وہ یہ رقم وطنِ عزیز یا عمران خان کو صرف عطیہ دے کر اسے واپس لینے کی کوشش نہیں کرے گا ؟ اور جان جوکھوں میں ڈال کر اگر 5یا8 کروڑ کی انویسٹمنٹ کی جائے تو پھر اتنی ہی اصل زر تو کوئی واپس نہیں لیتا۔۔ ہر کوئی منافع لینے کی بھی فکر کرے گا تو کم از کم اپنے اسمبلی دورانئیے کے دوران کامیاب ممبران اسمبلی 15تا16 کروڑ کم از کم واپس نکلوانے کی کوشش بھی کریں‌گے۔۔۔
اگر کوئی ایسا نہیں‌کرے گا تو وہ کوئی فرشتہ ہی ہوگا۔۔۔ اور اللہ کرے عمران خان کے پاس ایسے سینکڑوں فرشتہ صفت ایماندار، دیانتدار اور "حق حلال" کمانے والے "کروڑ پتی" موجودہوں۔
ورنہ تو کیکر کے درخت پر گلاب کے پھولوں کی آرزو سے کچھ حاصل نہیں ہوگا۔

والسلام