شاعرِ مشرق کی 76ویں برسی پر ان کا مزار بند

پاکستان کے صوبہ پنجاب کے دارالحکومت لاہور میں سکیورٹی وجوہات کی بنا پر برصغیر کے مشہور شاعر علامہ اقبال کے مزار پر ان کی 76 ویں برسی کی تقریب منعقد نہیں ہو سکی۔
پیر کو شاعر مشرق کہلانے والے علامہ اقبال کا 76واں یومِ وفات ہے لیکن سکیورٹی خدشات کی بنا پر مزارِ اقبال پر شہریوں کا داخلہ بند ہے اور پولیس حکام نے فاتحہ خوانی کے لیے آنے والے شہریوں کو مزار آنے سے روک دیا ہے۔
علامہ اقبال کا مزار لاہور کی مشہور بادشاہی مسجد کے باہر واقع ہے لیکن اس پر عام شہریوں کاداخلہ بند ہے۔ لاہور میں مینار پاکستان پر بھی عام شہریوں کے داخلے پر پابندی ہے۔
لاہور کے ایک رہائشی محمد سجاد کا کہنا ہے کہ انھیں اس وقت شرمندگی کا سامنا کرنا پڑا جب وہ اپنے غیرملکی دوست کو مینار پاکستان دکھانے گئے اوراس میں سکیورٹی وجوہات کی بنا پر داخلہ بند تھا۔
شرمندگی
لاہور کے ایک رہائشی محمد سجاد کاکہنا ہے کہ انہیں اس وقت شرمندگی کا سامنا کرنا پڑا جب وہ اپنے غیرملکی دوست کو مینار پاکستان دکھانے گئے اوراس میں سکیورٹی وجوہات کی بنا پر داخلہ بند تھا۔
مزارِ اقبال اور مینارِ پاکستان پر شہریوں کے داخلے پر پابندی کوئٹہ میں بانی پاکستان محمد علی جناح کی رہائش گاہ پر حملے کے بعد لگائی گئی ہے۔
زیارت میں قائد اعظم ریزیڈنسی پر گذشتہ برس جون میں بم حملہ کیا گیا تھا اور وہاں تعینات پولیس اہلکار کو قتل کرنے کے علاوہ عمارت کو بموں سے اْڑایا گیا تھا۔
اس واقعے کی ذمہ داری علیحدگی پسند تنظیم بلوچ لبریشن آرمی نے قبول کی تھی۔
پاکستان کی خفیہ سیکیورٹی ایجنسیوں کی اطلاعات کےمطابق زیارت میں قائد اعظم کی ریزیڈنسی کی مسماری کے بعد لاہور میں مینارِ پاکستان، مزارِ اقبال اور معروف مسلمان صوفی بزرگ حضرت علی ہجویری کے مزار داتا دربار شدت پسند عناصر کی ہٹ لسٹ پر ہیں۔
داتا دربار تو چند روز بند رکھنے اور سکیورٹی بڑھانے کے بعد زائرین کے لیے کھول دیا گیا ہے لیکن مزارِ اقبال اور مینار پاکستان پر بدستور عام شہریوں کا داخلہ بند ہے۔
http://www.bbc.co.uk/urdu/pakistan/2014/04/140421_iqbal_tomb_close_on_anniversary_rk.shtml

 

علامہ اقبالؒ کا یوم وفات آج عقیدت و احترام سے منایا جائیگا


لاہور (خبر نگار) شاعر مشرق‘حکیم الامت‘ مفکر پاکستان حضرت علامہ محمد اقبالؒ کا 76 ویں یوم وفات آج نہایت عقیدت و احترام سے منایا جائے گا۔ اس دن کی مناسبت سے مختلف تقریبات کا اہتمام کیا گیا ہے جن میں علامہ اقبالؒ کی روح کو ایصال ثواب کیلئے قرآن خوانی اور فاتحہ خوانی کی جائیگی۔ سیمیناروں کا اہتمام کیا گیا ہے۔ علامہ اقبالؒ کے مزار پر اعلیٰ شخصیات اور عوام حاضری دینگے، پھولوں کی چادریں چڑھائیں گے اور فاتحہ خوانی کرینگے۔ شاعر مشرق علامہ محمد اقبالؒ نے 1930ء میں خطبہ الہ آباد میں پاکستان کا تصور پیش کیا تھا۔ وہ 21 اپریل 1938ء کو لاہور میں انتقال کر گئے تھے اور بادشاہی مسجد کے پہلو میں سپرد خاک کیا گیا تھا۔
http://www.nawaiwaqt.com.pk/E-Paper/Lahore/2014-04-21/page-1/detail-8

 

جب کسی لیڈر کا زوال شروع ہوتا ہے تو اسکے اردگرد غلط مشیر اکھٹے ہو جاتے ہیں اور وزیراّظم صاحب کے اقتدار کے پہلے دور بھی اتنی ہی مدت کے تھے جتنی مدت اب ہونے والی ہے ۔اور انہوں نے اس سے کوئی سبق نہیں سیکھا
بلکہ اس دفعہ وہ شاید بھارت نواز اور پاکستان دشمن نواز ایجنڈے کے ساتھ وزیر اعظم بنے ہیں اسی لئے بزرگوں کے دن انہیں یاد ہی نہیں ہیں

 

ابھی پاکستان میں بزرگوں کے مزاروں پر چراغ جلانے والے ہیں ۔