سوچتا ہوں کہ اب انسان کو سجدہ کرلوں

تونے جس وقت یہ انسان بنایا یا رب http://www.drivehq.com/file/df.aspx/publish/wasifhussain/PublicFolder/tab.gif اس گھڑی مجھ کو تو اک آنکھ نہ بھایا یا رب
اس لیے میں نے سر اپنا نہ جھکایا یا رب http://www.drivehq.com/file/df.aspx/publish/wasifhussain/PublicFolder/tab.gif لیکن اب پلٹی ہے کچھ ایسی ہی کایا یارب
عقلمندی ہے اسی میں کہ میں توبہ کرلوں
سوچتا ہوں کہ اب انسان کو سجدہ کرلوں

ابتدا میں تھی بڑی نرم طبیعت اس کی http://www.drivehq.com/file/df.aspx/publish/wasifhussain/PublicFolder/tab.gif قلب وجاں پاک تھے شفاف تھی طینت اس کی
اب پھر بتدریج بدلنے لگی خصلت اس کی http://www.drivehq.com/file/df.aspx/publish/wasifhussain/PublicFolder/tab.gif اب تو خود مجھ پہ مسلط ہے شرارت اس کی
اس سے پہلے کہ میں اپنا ہی تماشا کرلوں
سوچتا ہوں کہ انسان کو سجدہ کرلوں

بھر دیا تونے بھلا کونسا فتنہ اس میں http://www.drivehq.com/file/df.aspx/publish/wasifhussain/PublicFolder/tab.gif پکتا رہتا ہے ہمیشہ کوئی لاوا اس میں
اک اک سانس ہے اب صورت شعلہ اس میں http://www.drivehq.com/file/df.aspx/publish/wasifhussain/PublicFolder/tab.gif آگ موجود تھی کیا مجھ سے زیادہ اس میں ؟
اپنا آتش کدہ یزداں ہی کو ٹھنڈا کرلوں
سوچتا ہوں کہ اب انسان کو سجدہ کرلوں

اب تو یہ خوں کے رشتوں سے اکڑ جاتا ہے http://www.drivehq.com/file/df.aspx/publish/wasifhussain/PublicFolder/tab.gif باپ سے بھائی سے بیٹے سے بھی لڑ جاتا ہے
اور جب طیش میں ہتھے سے اکھڑ جاتا ہے http://www.drivehq.com/file/df.aspx/publish/wasifhussain/PublicFolder/tab.gif اور میرے شر کا توازن بھی بگڑ جاتا ہے
اب تو لازم ہے کہ میں خود کو ہی سیدھا کرلوں
سوچتا ہوں کہ اب انسان کو سجدہ کرلوں

میری نظروں میں تو مٹی کا ہی مادھو تھا بشر http://www.drivehq.com/file/df.aspx/publish/wasifhussain/PublicFolder/tab.gif میں سمجھتا تھا اسے خود سے بہت ہی کم تر
مجھ پر پہلے نہ کھلے اس کے سیاسی جوہر http://www.drivehq.com/file/df.aspx/publish/wasifhussain/PublicFolder/tab.gif کان میرے بھی کترتا ہے یہ لیڈر بن کر
شیطانيت چھوڑ کے میں بھی یہی دھندہ کرلوں
سوچتا ہوں کہ اب انسان کو سجدہ کرلوں

اب جھجکتا ہے نہ ڈرتا ہے نہ شرماتا ہے http://www.drivehq.com/file/df.aspx/publish/wasifhussain/PublicFolder/tab.gif نت نئی فتنہ گری روز ہی دکھلاتا ہے
اب یہ ظالم میرے بہکاوے میں کب آتا ہے http://www.drivehq.com/file/df.aspx/publish/wasifhussain/PublicFolder/tab.gif میں بُرا سوچتا رہتا ہوں یہ کر جاتا ہے
کیا میں اس کی ہی مریدی کا ارادہ کرلوں
سوچتا ہوں کہ اب انسان کو سجدہ کرلوں

اب جگہ کوئی نہیں میرے لیے دھرتی پر http://www.drivehq.com/file/df.aspx/publish/wasifhussain/PublicFolder/tab.gif میرے شرسے بھی سوا ہے یہاں انسان کا شر
اب تو لگتا ہے یہی فیصلہ مجھ کو بہتر http://www.drivehq.com/file/df.aspx/publish/wasifhussain/PublicFolder/tab.gif اس سے پہلے کہ پہنچ جائے وہاں سوپر پاور
میں کسی اور ہی سیارے پر قبضہ کرلوں
سوچتا ہوں کہ اب انسان کو سجدہ کرلوں

ظلم کے دام بچھائے ہیں نرالے اس نے http://www.drivehq.com/file/df.aspx/publish/wasifhussain/PublicFolder/tab.gif نت نئے پیچ مذاہب میں بھی ڈالے اس نے
کردیے قید اندھیروں میں اجالے اس نے http://www.drivehq.com/file/df.aspx/publish/wasifhussain/PublicFolder/tab.gif کام جتنے ہیں میرے سارے سنبھالے اس نے
اب تو خود کو ہر بوجھ سے ہلکا کرلوں
سوچتا ہوں کہ اب انسان کو سجدہ کرلوں

استقامت تھی کبھی اسکی مصیبت مجھکو http://www.drivehq.com/file/df.aspx/publish/wasifhussain/PublicFolder/tab.gif اپنے ڈھب پر اسے لانا تھا قیامت مجھکو
کرنی پڑتی تھی بہت اس پہ مشقت مجھکو http://www.drivehq.com/file/df.aspx/publish/wasifhussain/PublicFolder/tab.gif اب یہ عالم ہے کہ دن رات ہے فرصت مجھکو
اب کہیں گوشہ نشینی میں گذارا کرلوں
سوچتا ہوں کہ اب انسان کو سجدہ کرلوں

مست تھا میں تیرے آدم کی حقارت کرکے http://www.drivehq.com/file/df.aspx/publish/wasifhussain/PublicFolder/tab.gif خود پہ نازاں تھا بہت تجھ سے بغاوت کرکے
کیا ملا مجھ کو مگر ایسی حماقت کرکے http://www.drivehq.com/file/df.aspx/publish/wasifhussain/PublicFolder/tab.gif کیا یہ ممکن ہے کہ پھر تیری اطاعت کرکے
اپنے کھوئے ہوے رتبے کی تمنا کرلوں
سوچتا ہوں کہ اب انسان کو سجدہ کرلوں

طالب خوندمیری
​

 

جواب: سوچتا ہوں کہ اب انسان کو سجدہ کرلوں

بہت اعلی انتخاب۔۔۔۔۔
بہت خوب ۔۔۔

مست تھا میں تیرے آدم کی حقارت کرکے خود پہ نازاں تھا بہت تجھ سے بغاوت کرکے
کیا ملا مجھ کو مگر ایسی حماقت کرکے کیا یہ ممکن ہے کہ پھر تیری اطاعت کرکے
اپنے کھوئے ہوے رتبے کی تمنا کرلوں
سوچتا ہوں کہ اب انسان کو سجدہ کرلوں