سلطان احمد مسجد استنبول ترکی

اللہ کے نام سے شروع جو بڑا مہربان نہایت رحم والا ہے
اسلام علیکم ؛آج ؛ سلطان احمد مسجد استنبول ترکی؛ کی زیارت کرتے ہیں ۔
ترکی میں واقع ایک مسجد ہے۔ اسے بیرونی دیواروں کے نیلے رنگ کے باعث نیلی مسجد کے طور پر جانا جاتا ہے۔ یہ ترکی کی واحد مسجد ہے جس کے چھ مینار ہیں۔ جب تعمیر مکمل ہونے پر سلطان کو اس کا علم ہوا تو اس نے سخت ناراضگی کا اظہار کیا کیونکہ اُس وقت صرف مسجد حرام کے میناروں کی تعداد چھ تھی لیکن کیونکہ مسجد کی تعمیر مکمل ہو چکی تھی اس لیے مسئلے کا حل یہ نکالا گیا کہ مسجد حرام میں ایک مینار کا اضافہ کرکے اُس کے میناروں کی تعداد سات کر دی گئی۔ مسجد کے مرکزی کمرے پر کئی گنبد ہیں جن کے درمیان میں مرکزی گنبد واقع ہے جس کا قطر 33 میٹر اور بلندی 43 میٹر ہے۔ مسجد کے اندرونی حصے میں زیریں دیواروں کو ہاتھوں سے تیار کردہ 20 ہزار ٹائلوں سے مزین کیا گیا ہے جو ازنک (قدیم نیسیا) میں تیار کی گئیں۔ دیوار کے بالائی حصوں پر رنگ کیا گیا ہے۔ مسجد میں شیشے کی 200 سے زائد کھڑکیاں موجود ہیں تاکہ قدرتی روشنی اور ہوا کا گذر رہے۔ مسجد کے اندر اپنے وقت کے عظیم ترین خطاط سید قاسم غباری نے قرآن مجید کی آیات کی خطاطی کی۔ مسجد کے طرز تعمیر کی ایک اور خاص بات یہ ہے کہ نماز جمعہ کے موقع پر جب امام خطبہ دینے کے لیے کھڑا ہوتا ہے تو مسجد کے ہر کونے اور ہر جگہ سے امام کو با آسانی دیکھا اور سنا جا سکتا ہے۔ مسجد کے ہر مینار پر تین چھجے ہیں اور کچھ عرصہ قبل تک مؤذن اس مینار پر چڑھ کر پانچوں وقت نماز کے لیے اہل ایمان کو پکارتے تھے۔ آج کل اس کی جگہ صوتی نظام استعمال کیا جاتا ہے جس کی آوازیں قدیم شہر کے ہر گلی کوچے میں سنی جاتی ہے۔ نماز مغرب پر یہاں مقامی باشندوں اور سیاحوں کی بڑی تعداد بارگاہ الٰہی میں سربسجود ہوتی ہے۔ رات کے وقت رنگین برقی قمقمے اس عظیم مسجد کے جاہ و جلال میں مزید اضافہ کرتے ہیں۔

 

ماشاءاللہ
پاکستانی بھائی آپ ہمیشہ بہترین اور معیاری موضوعات لاتے ہیں ، اللہ مزید برکتیں اور ترقیاں نصیب فرمائے
یقین مانیں کہ مسجد کی زیارت سے دل خوش ہو گیا،
زہے نصیب مزید کچھ سلطنتِ عثمانیہ کے فن پاروں کی زیارت سے مستفیض ہونے کا موقع فراہم کریں
ان حقیقی عاشقانِ رسول خادمینِ حرمین نے بہت کچھ کام کئے ہیں
جزاک اللہ خیرا
اللہ آپ کو سعادۃ الدارین سے مالامال فرمائے، میرا دل باغ باغ ہوگیا

 

جزاک اللہ پہلوان جی ؛جتنے بھی بزرگوں کے مزارت شریف ہیں سعودی عرب سے باہر ،وہ تقریبا سب ہی

سلطنتِ عثمانیہ کے​

دور میں پیارو محبت سے تعمیر کیے گے ہیں ۔ان شاء اللہ پوری کوشش ہے کہ جتنا کچھ مل سکا ضرور شئیر کروں گا۔​

 

اللہ آپ کی سعی کو اپنی بارگاہ میں شرفِ قبولیت نصیب فرما کر بزرگوں کی محبت کو مزید بڑھائے، اور مزید اچھی پوسٹس کرنے کی توفیق مرحمت فرمائے
بقول اعلیٰ حضرت

جان ہے عشقِ مصطفٰی ﷺ ، روز فزوں کرے خدا​

جس کو ہو درد کا مزہ، نازِ دوا اُٹھائے کیوں​

​

خاک ہوکر عشق میں آرام سے سونا ملا ​

جان کی اکسیر ہے الفت رسول اللہ ﷺ کی ​

 

بہت بہت شکریہ پہلوان جی اللہ پاک آپ کو ہمیشہ خوش رکھے آمین