سر رسوا کی ہے عزت مرے سرکار کی چوکھٹ ۔۔ظفر حسین

سر رسوا کی ہے عزت مرے سرکار کی چوکھٹ
*دلِ مضطر کی ہے راحت مرے سرکار کی چوکھٹ*

اگرچہ ہے زمیں پر، اسکا ہے لیکن مقام اعلی
رکھے ہے عرش کی رفعت مرے سرکار کی چوکھٹ

اجالا فرش پر جس سے ہے طلعت عرش پر جس سے
دو عالم کی تو ہے زینت مرے سرکار کی چوکھٹ

ترے زینے پہ میری آخری سانسیں نکل جائیں
میری ہر دم ہے یہ چاہت مرے سرکار کی چوکھٹ

ملائک انبیاء جن و بشر تعظیم کرتے ہیں
کچھ ایسی رکھتی ہے حرمت مرے سرکار کی چوکھٹ

نہیں ہرگز تمنا اب *ظفر* کو باغ جنت کی
میری خاطر تو ہے جنت مرے سرکار کی چوکھٹ
-----
ظفر حسین
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

ملائک انبیاء جن و بشر تعظیم کرتے ہیں
کچھ ایسی رکھتی ہے حرمت مرے سرکار کی چوکھٹ​

 

سبحان اللہ جزاک اللہ

 

اللہ تعالٰی آپ کو بھی جزائے خیر عطاکرے آمین