سراپا خیر اور برکت مرے سرکار کی چوکھٹ ۔۔ غلام ربانی فارح مظفرپوری

سراپا خیر اور برکت مرے سرکار کی چوکھٹ
ہے سب کے واسطے نعمت مرے سرکار کی چوکھٹ

خدا کے خلد کی زینت مرے سرکار کی چوکھٹ
تصدق تجھ پہ ہر رنگت مرے سرکار کی چوکھٹ

نرالی شان اور عظمت مرے سرکار کی چوکھٹ
کروں گا بس تری مدحت مرے سرکار کی چوکھٹ

بتاتی ہے تری رنگت مرے سرکار کی چوکھٹ
*دل مضطر کی ہے راحت مرے سرکار کی چوکھٹ*

مٹاؤں دید کی حسرت زیارت کرکے آنکھوں کی
ستاتی ہے تری فرقت مرے سرکار کی چوکھٹ

کسی دن آگیا قسمت سے میں شہر مدینہ تو
پلا دینا مئے الفت مرے سرکار کی چوکھٹ

سنائی ہے صبا آ کر بلاوا آیا ہے تیرا
بلندى پر ہوئی قسمت مرے سرکار کی چوکھٹ

تمنا ہے مرے دل کی بلا کر ایک دن مجھ کو
پلانا دید کا شربت مرے سرکار کی چوکھٹ

ترا دیدار کرکے کہہ رہے ہیں اہل دل ہرسو
تو ہے عشاق کی جنت مرے سرکار کی چوکھٹ

ملے موقع اگر مجھ کو ترا دیدار کرنے کا
نہ چاہوں پھر کبھی فرصت مرے سرکار کی چوکھٹ

کرم بہر علی، حسنین، خواجہ، غوث جیلانی
ہے *فارح* کی تو ہی حاجت مرے سرکار کی چوکھٹ
-------
از غلام ربانی فارح مظفرپوری
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

سراپا خیر اور برکت مرے سرکار کی چوکھٹ
ہے سب کے واسطے نعمت مرے سرکار کی چوکھٹ
​

 

نرالی شان اور عظمت مرے سرکار کی چوکھٹ
کروں گا بس تری مدحت مرے سرکار کی چوکھٹ
​

 

ترا دیدار کرکے کہہ رہے ہیں اہل دل ہرسو
تو ہے عشاق کی جنت مرے سرکار کی چوکھٹ
​

 

کرم بہر علی، حسنین، خواجہ، غوث جیلانی
ہے *فارح* کی تو ہی حاجت مرے سرکار کی چوکھٹ
​

 

سبحان اللہ جزاک اللہ

​

 

کرم بہر علی، حسنین، خواجہ، غوث جیلانی
ہے *فارح* کی تو ہی حاجت مرے سرکار کی چوکھٹ
​

اللہ تعالٰی آپ کو بھی جزائے خیر عطا کرے آمین