سب کی پسند

کیوں‌جورِ مسلسل پہ ہیں خاموش زبانیں
کیا جراتِ اظہارِ حقیقت بھی نہیں‌ہے ؟؟

اس بات کو تسلیم بھی کرتی نہیں‌دنیا
جس بات سے انکار کی جرات بھی نہیں‌ہے​

 

ہر اک سے کہتے ہیں کیا داغ بے وفا نکلا
یہ پوچھے ان سے کوئی وہ غلام کس کا تھا

 

اسی کی زُلف و رخ کا دھیان ہے شام و سحر مجھـ کو
نہ مطلب کفر سے ہے اور نہ ہی کچھـ کام ایماں سے
*******************************
نہ تیر کماں میں ہے نہ صیاد کمیں میں
گوشے میں قفس کے مجھے آرام بہت ہے
******************************
پھونکا ہے کس نے گوش محبت میں اے خدا
افسون انتظار ، تمنا کہیں جسے
*******************************
بیگانگی خلق سے بے دل نہ ہو غالب
کوئی نہیں تیرا تو مری جان ، خدا ہے

 

تنہا کوئی ملے تو کریں دل کی بات بھی
ہر آدمی کے ساتھ ہے سایہ لگا ہوا​

 

باز آئیں جور سے مگر با ز آئیں کیا
کہتے ہیں ہم تجھے منہ دکھلائیں کیا
*******
جاتے ہوئے کہتے ہو قیامت کو ملیں گے
کیا خوب،قیامت کا ہے گویا کوئی دن اور

 

جگر وہ بھی تو سر تا پا محبت ہی محبت ہیں
مگر انکی محبت صاف پہچانی نہیں جاتی

 

اک قدم غلط اٹھا تھا راہِ شوق میں
منزل تمام عمر ہمیں ڈھونڈتی رہی​

 

شعلہ حسن چمن میں نہ دکھا یا اس نے
ورنہ بلبل کو بھی پروانہ بنایا ہوتا

 

یہ کیا کہا کہ میری بلا بھی نہ آئے گی
کیا تم نہ آؤ گے تو قضا بھی نہ آئے گی

داغ دہلوی​