"سب کجھ مک گیا وے۔۔" اک ماں دی آہ

"مک گیا اے سب کجھ۔ مر گئے نے او۔ ایناں میرے دو نکے جئے بال تے بھرا نو مار چھڈیا اے۔ کجھ نہی بچیا ہونڑ، میں کلی رہ گئی آں،" اے آہ وے اک لاشاں تے وینڑ کردی ہوئی ماں تے بھینڑ دی۔

اے موت تے دکھاں دے سوداگراں، اے نام نہاد دین دے ٹھیکیداراں، ہزاراں کول جینڑ دا حق، کئیاں کولوں اوناں دے پیارے، بے بہا ٹبراں دا آکلا روزگار کماونڑ آلا، تے ان گنت ماواں دیاں گوداں اوجاڑ دیتیاں نے۔

ہر اک بے جا درندگی دی نظر ہو جاونڑ آلی جان ایناں انتہا پسنداں دا سیاسی یا امن مذاکرات دوران بھار تے شائد ودھا چھوڑے پر اے افسوس ناک حقیقت ایناں بے حس قاتلاں دے کن وچ کون پاوے کےانسان ایڈا وی سستا نہی کے سیاسی مقاصد حاصل کنڑ لئی اونوں قتل، لولیاں لنگڑیاں، تے چیرنا پھاڑنا جائز وے۔

دہشت گردی دے ہر واقعے دی مذمت ہزاراں یا لکھاں وار وی کیتی جائے تے او گھٹ وے۔ دفتر خارجہ دی ڈیجیٹل آؤٹ ریچ ٹیم امریکی عوام ولوں اتوار نوں چرچ تے ہوونڑ آلے حملے دے متاثرہ ٹبراں تے متراں نوں دل دیاں ڈوگائیاں وچوں نکلیا ہویا تعزیت دا پیغام پہچاونڑاں چوہندی وے، تے نال ہی اے پیغام پاکستان تے پاکستانی قوم لئی وی اے جیڑی دہشت گردی تے انتہا پسندی دی لو وچ ساری دنیا نالوں ودھ بل رہی وے۔

لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

digitaloutreach@state.gov

www.state.gov

https://twitter.com/usdotpunjabi