سب رونقیں ہیں چہراءِ رودار کے سبب ۔ محمد عمران شریف

نعت رسول مقبولﷺ
---
سب رونقیں ہیں چہراءِ رودار کے سبب
ہم جی رہے ہیں شاہِ چمکدار کے سبب​

دیر و حرم جو ہوتے تھے ظلمت کدے کبھی
سب نور میں بدل گئے سرکار کے سبب

اسمِ کرم لیا تو مرے ہونٹ ہونٹ سے
جذبات عشق میں ملے دلدار کے سبب

ِبکھرے ہوے فسانے حقیقت میں ڈھل گئے
محبوبِ دو جہان کے کردار کے سبب

نازک مزاج پر خدا کتنا شفیق ہے
بدلا عبادتوں کو بھی اظہار کے سبب

کامل یقین ہے ہمیں محشر کی دھوپ میں
ہم ہوں گے کامیاب مددگار کے سبب

میرا وجود کاش بنے کفش اور میں
بے مول بک لوں ایسے خریدار کے سبب

عمران تاجِ زر بنے ہیں تجھ سے خاکداں
طیبہ سے پھوٹتے ہو ۓ انوار کے سبب
----
محمد عمران شریف
​

 

اللہ تعالیٰ آپ کو بھی جزائے خیر عطا کرے آمین