سبز چائے سبز چائے کولیسٹرال کو کم کرتی ہے چینی سائنسدانوں نے تحقیق کے بعد ثابت کیا ہے کہ سبز چائے میں ایک ایسا کیمیکل ہوتا ہے جو ایل ڈی ایل یعنی برے کولیسٹرال کو کم کرتا ہے اور ایچ ڈی ایل یعنی اچھے کولیسٹرال کو بڑھاتا ہے ۔ پنگ ٹم چان اور ان کے ساتھی سائنسدانوں نے ہیمسٹرز لے کر ان کو زیادہ چکنائی والی خوراک کھلائی جب ان میں ٹرائی گلسرائڈ اور کولیسٹرال کی سطح بہت اونچی ہوگئی تو ان کو تین کپ سبز چائے چار پانچ ہفتے پلائی جس سے ان کی ٹرائی گلسرائڈ اور کولیسٹرال کی سطح نیچے آگئی ۔ جن ہیمسٹرز کو 15 کپ روزانہ پلائے گئے ان کی کولیسٹرال کی سطح ۔ کل کا تیسرا حصہ کم ہو گئی اس کے علاوہ ایپوبی پروٹین جو کہ انتہائی ضرر رساں ہے کوئی آدھی کے لگ بھگ کم ہو گئی ۔میں نے صرف چائینیز کی تحقیق کا حوالہ دیا ہے ۔ مغربی ممالک بشمول امریکہ کے محقق بھی سبز چائے کی مندرجہ بالا اور مندرجہ ذیل خوبیاں بیان کرتے ہیں ۔ سبز چائے کینسر سے بچاتی ہے سبز چائے میں پولی فینالز کی کافی مقدار ہوتی ہے جو نہائت طاقتور اینٹی آکسیڈنٹ ہوتے ہیں ۔ یہ ان آزاد ریڈیکلز کو نیوٹریلائز کرتے ہیں جو الٹراوائلٹ لائٹ ۔ ریڈی ایشن ۔ سگریٹ کے دھوئیں یا ہوا کی پولیوشن کی وجہ سے خطرناک بن جاتے ہیں اور کینسر یا امراض قلب کا باعث بنتے ہیں ۔ سبز چائے ہاضمہ ٹھیک کرنے کا بھی عمدہ نسخہ ہے ۔ سبز چائے بطور سٹیمولینٹ ۔ ڈائی یوریٹک ۔ بلیڈنگ کنٹرول کرنے اور زخموں کے علاج میں بھی استعمال ہوتی ہے ۔ دارچینی ڈال کر بنائی جائے تو ذیابیطس کو کنٹرول کرتی ہے ۔ Atherosclerosis سبز چائے اتھروسلروسس بالخصوص کورونری آرٹری کے مرض کو روکتی ہے ۔ میں ہونے والی انفلیمیشن کو سبز چائےکم کرتی ہے ۔ Inflammatory Bowel Disease (IBD) جگر کی بیماریاں اور یرقان جو لوگ روزانہ سبز چائے کے دس یا زیادہ کپ پیتے ہیں انہیں جگر کی بیماریوں بشمول یرقان کا کم خطرہ ہوتا ہے ۔ Slimming سبز چائے کا ایکسٹریکٹ چربی کو کم کرنے میں مدد کرتا ہے جس سے آدمی موٹا نہیں ہوتا ۔ مزید تفصیلات کے لئے مندرجہ ذیل سائٹس دیکھئے http://www.sciencedaily.com/releases/2003/08/030805072109.htm http://www.vitacost.com/science/hn/Benefits_Weight/Green_Tea.htm http://healthyherbs.about.com/cs/herbfaqs/p/pfgrtea.htm http://www.newstarget.com/000371.html http://news.bbc.co.uk/2/hi/health/3125469.stm یہ تحریر مندرجہ ذیل جگہ سے لی گئی ہے۔ http://www.theajmals.com/blog/2005/12/سبز-چائے-یا-قہوا-ایک-عمدہ-علاج/
جواب: سبز چائے کے فعایدہ شکریہ سانا جی کافی اچھی معلومات شئیر کی ہیں آپ نے ۔ تین چار کپ سبز چائے روزانہ شروع کرنے جا رہا ہوں ۔
جواب: سبز چائے کے فعایدہ ذرا وضاحت کردیں ہمارے ہاں جس کو سبز چائے کہا جاتا ہے اس میں تو کریم اور کھویا بھی ڈالا جاتا ہے اس سے تو کولیسٹرول یا ایل ڈی ایل کم ہونا مشکل ہے ہاں البتہ بڑھ سکتا ہے یا پھر سبز قہوہ ہے جسے لیمن گراس کہا جاتا ہے شاید یہ اس کا ذکر خیر ہورہا ہے پلیز وضاحت فرمائیے
جواب: سبز چائے کے فعایدہ ذرا وضاحت کردیں ہمارے ہاں جس کو سبز چائے کہا جاتا ہے اس میں تو کریم اور کھویا بھی ڈالا جاتا ہے اس سے تو کولیسٹرول یا ایل ڈی ایل کم ہونا مشکل ہے ہاں البتہ بڑھ سکتا ہے یا پھر سبز قہوہ ہے جسے لیمن گراس کہا جاتا ہے شاید یہ اس کا ذکر خیر ہورہا ہے پلیز وضاحت فرمائیے
جواب: سبز چائے کے فعایدہ بہت خوب سانا بہت اچھی معلومات شئیر کی ہے آپ نے۔۔ اور سبز چائے کو لے کر میرے جو تحفظات تھے وہ سارے دور ہوگئے ہیں اب میں بلا جھجک دن میں 3،2، مرتبہ چائے پہ سکتی ہوں
جواب: سبز چائے کے فعایدہ سبز چائے ہمارے شہر پشاور میں بہت زیادہ استعمال کی جاتی ہے اس کے دو حصے ہیں ایک کو قہوہ کہا جاتا ہے اور دوسرے کو جس کی طرف محترم ہارون رشید صاحب نے اشارہ کیا ہے اس کا اردو میں نام کشمیری چائے اور ہمارے پشاور میں شیر چائے کہا جاتا ہے۔
جواب: سبز چائے کے فعایدہ محترم المقام ہارون الرشید صاحب آپ نے جو لنک ارسال کیا ہے اس کے مطابق تو یہ ایک اشتہاری مشروب ہوا اور اس میں چائے کی سبز پتی کے ساتھ لیموں کا چھلکا خشک شدہ کے ٹکڑے اور یاسمین (چنبیلی خشک شدہ)کے پتے ہوتے ہیں یہ مشروب زیادہ تر پنجاب سائڈ پر استعمال ہوتا ہے ہمارے پشاور میں اس کو بہت ناپسند کیا جاتا ہے بلکہ قہوہ کو اصل حالت میں استعمال کیا جاتا ہے پشاور میں قہوہ کی دو قسمیں ہوتی ہیں ایک کو پلنڈو کہتے ہیں اور ایک ہلکی پتیوں والا (یعنی کینیا سپیشیل ایک نمبر والا) اجزاء قہوہ کی پتی اور سبز الائچی بنانے کا طریقہ: دو پیالی قہوہ کا طریقہ یہ ہے کہ چار پیالی پانی رکھا جاتا ہے اور ٹھنڈے پانی میں ہی الائچی کا چھلکا ڈال دیں پھر جب ابل کر تین کپ رہ جائے تو اس میں دو چائے کے چمچ قہوہ کی پتی ڈال دیں اور ایک ابال آنے پر چولہا بند کردیں اور کیتلی کو ڈھک دیں اور اس دوران الائچی کے بیچ کو کوٹ لیں اور اس کو دونوں پیالیوں میں برابر برابر ڈال دیں اور اوپر سے گرم گرم قہوہ ڈال دیں اور چینی بعد میں حسب ضرورت ملادیں۔ لیجئے جناب گرم گرم قہوہ دستیاب ہے۔
جواب: سبز چائے کے فعایدہ قہوہ اور اس کی افادیت کے بارے میں اچھی معلومات دی جا رہی ہیں ۔ شکریہ دوستوں کا۔
