السلام علیکم ساجد صاحب [font=Arial, sans-serif]ہماری اردو پیاری اردو کی پررونق بزم میں[/font] :222: خوش آمدید :222:
خوشآمدید ساجد بھائی کو ھم اس ھماری پیاری اردو کی بارونق محفل میں شمولیت پر بہت بہت خوش آمدید کہتے ھیں
شکریہ السلام علیکم ، دوستانِ عزیز ، میں آپ تمام خواتین و حضرات کا بے حد ممنون ہوں کہ آپ نے اس خوبصورت انداز میں مجھے خوش آمدید کہا۔ “ہماری اردو پیاری اردو“ سے میرا ناطہ ایک سال سے بھی زیادہ پرانا ہے یہ اس وقت کی بات ہے جب عبدالجبار صاحب ، موٹر وے پولیس ، بنگالی بابا ، ع س ق اور چوہدری صاحب ایکشن میں ہوا کرتے تھے۔ مذہبی ، معلوماتی اور ادبی تحاریر کے ساتھ ساتھ شگوفہ بازی اور ہنسی مذاق کا ایک نہ رکنے والا سلسلہ ہوتا تھا۔ پھر میں اپنی ذاتی مصروفیات کی وجہ سے یہاں حاضری نہ دے سکا ۔ اب اتنے طویل عرصے بعد آیا تو کیا دیکھتا ہوں کہ زبانِ شیریں کا یہ چمن اپنے جوبن پر ہے۔ فیصل آباد اور خاص طور پر سلیمی چوک نے اردو زبان کی اشاعت و ترویج میں اپنا کردار پوری لگن اور جاں فشانی سے نبھایا ہے۔ وہی زمرہ جات اور دھاگے جو ایک ڈیڑھ برس قبل ننھے منے شگوفے تھے اب وہ اردو ادب و فنِ تحریر کے گھنے اشجار کی صورت میں ، ہر نئے آنے والے پر اپنی محبتوں کی چھاؤں نچھاور کرتے ہیں۔ یہ سب کچھ ممکن ہوا ان ممبرانِ ہماری اردو کی بدولت کہ جنہوں نے بعد میں آ کر ہم پرانوں سے بھی بڑھ کر اردو کی خدمت کی۔ میری دعا ہے کہ یہ محفل ہمیشہ چہکتی رہے اور ترقی کے زینے طے کرتی رہے۔ آپ تمام دوستوں اور ہماری اردو کی انتظامیہ کا ایک بار پھر شکریہ ادا کرتا ہوں کہ آپ نے مجھے اتنی عزت بخشی ۔ آپ سب کے لئیے نیک خواہشات کے ساتھ ساجد
عبید بھائی ، اس سائٹ پر ہماری آمد تو قریب ڈیڑھ برس قبل ہو چکی تھی اور یہی وہ پہلا اردو فورم ہے جس میں مَیں نے شمولیت اختیار کی تھی۔ کچھ دن قبل ، طویل عرصے بعد لاگ ان ہونے کی کوشش کی تو پاس ورڈ اور برقی پتہ بھی بھول چکا تھا۔ اس لئیے ستاروں کی معیت میں اپنی مابدولت سے معروف پہچان کے ساتھ پھر سے شمولیت اختیار کی اور بعد میں خدا کا کرنا ایسا ہوا کہ اپنے کمپیوٹر کے ریکارڈ سے مجھے پرانا برقی پتہ بھی مل گیا اور یوں میں نے اسی پرانے کھاتے سے ہی لاگ ان ہونا پسند کیا۔ آپ کا بہت شکریہ کہ آپ نے آ گے بڑھ کر مجھے خوش آمدید کہا۔ آپ بتائیے کہ اب آپ کی کہنی کیسی ہے؟ میں نے حرم شریف جا کر آپ کے لئیے خصوصی دعا کی تھی۔ اللہ آپ کو اپنی حفظ و اماں میں رکھے ۔ آپ کے لئیے نیک خواہشات کے ساتھ ، ساجد
