زندگی کی راہوں میں رنج و غم کے میلے ہیں

زندگی کی راہوں میں رنج و غم کے میلے ہیں
بھیڑ ہے قیامت کی پھر بھی ہم اکیلے ہیں
گیسوؤں کے سائے میں ایک شب گزاری تھی
آج تک جدائی کی دھوپ میں اکیلے ہیں
سازشیں زمانے کی کام کرگئیں آخر
آپ ہیں اُدھر تنہا، ہم اِدھر اکیلے ہیں
کون کس کا ساتھی ہے، ہم تو غم کی منزل ہیں
پہلے بھی اکیلے تھے، آج بھی اکیلے ہیں
اب تو اپنا سایہ بھی کھوگیا اندھیروں میں
آپ سے بچھڑ کے ہم کس قدر اکیلے ہیں
(صبا افغانی)​

 

بہت خوب۔۔ بہت عمدہ

 

بہت خوب!
مطلع، پہلا شعر اور مقطع عمدہ ہیں۔

نوٹ: افغانی مردوں کا نام صبا بھی ہوتا ہے کیا؟

 

بھت خوب

 

سازشیں زمانے کی کام کرگئیں آخر
آپ ہیں اُدھر تنہا، ہم اِدھر اکیلے ہیں
۔۔۔۔۔۔۔۔۔۔۔
بہت شاندار کلام ہے نظام بھائی