زاہد ! میں بتاتاہوں تمہیں شانِ مدینہ ۔محمد مجاہد حسین رضوی

زاہد ! میں بتاتاہوں تمہیں شانِ مدینہ
خاصانِ خدا ہوتے ہیں, خاصانِ مدینہ

جبریلِ اَمیں, آپ کی اِمداد کریں گے
بن کرکبھی دیکھیں تو,ثنا خوانِ مدینہ

محبوب کی زنجیرِمحبت میں, جکڑ کے
کر میرے خدا ! داخلِ زِندانِ مدینہ

اُس خاک کی رِفعت کابیاں ہونہیں سکتا
جس خاک سےمَس ہے تنِ سلطان مدینہ

آرام گہِ مالکِ جنت ہے جبھی تو
سوجان سےجنت بھی ہے قربانِ مدینہ

یہ قربِ گلستانِ مدینہ کا اَثر ہے
"جنت کو لبھاتا ہے بیابانِ مدینہ"

کھاتی ہےبہ یک وقت جہاں پوری خدائی
کس درجہ کشادہ ہے حسنؔ,خوانِ مدینہ

محمد مجاہد حسین رضوی
حسنؔ الہ آبادی
دارالعلوم غریب نواز اِلہ آباد​

 

اللہ تعالیٰ آپ کو بھی جزائے خیر عطا کرے آمین