رہِ راست پر چلایا تجھے حمد ہے خدایا ۔نواز اعظمی

رہِ راست پر چلایا تجھے حمد ہے خدایا
ہمیں راہِ حق دکھایا تجھے حمد ہے خدایا

ترے اسم کے تصدّق ترے ذکر کی بدولت
مرا دل ہے جگمگایا تجھے حمد ہے خدایا

تو ہے لاشریک و واحد، نہ ولد ترا نہ والد
ترا جسم ہے نہ سایا تجھے حمد ہے خدایا

نہ چُھپا ہے تجھ سے کچھ بھی تُو کہ جانتا ہے سب ہی
ہو صریح یا کنایہ تجھے حمد ہے خدایا

ترا وصف سب سے بالا ' تری ذات سب سے اعلٰی
تجھے حمد ہے خدایا تجھے حمد ہے خدایا

ہو وہ اپنا یا پرایا سبھی خلق پر خدایا
ترے عام ہیں عطا یا تجھے حمد ہے خدایا

میں نواز غرقِ عصیاں، تو غفور اور رحماں
مرے بخش دے خطایا تجھے حمد ہے خدایا

نواز اعظمی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

السلام علیکم ورحمتہ اللہ وبارکاتہ
سبحان اللہ
بہت عمدہ
جزاک اللہ خیراً کثیرا​

 

وعلیکم السلام ورحمتہ اللہ وبرکاتہ
اللہ تعالیٰ آپ کو بھی جزائے خیر عطا کرے آمین​

 

ثمہ آمین یا رب العالمین​