روشنی لاالٰہ الّا ھو ۔ بلال رشید

روشنی لاالٰہ الّا ھو
سب تری لا الٰہ الّا ھو
پڑھ رہے ہیں ازل سے اہلِ یقیں
ہر گھڑی لاالٰہ الّا ھو
یہ مِٹاتا ہے قلبِ مومن سے
تیرگی لاالٰہ الّا ھو
تیرے ہی ذکر سے منور ہے
ہر صدی لاالٰہ الّا ھو
ہے وظیفہ ہر ایک مومن کا
دائمی لا الٰہ الّا ھو
تیرا ہی درس دینے آئے تھے
سب نبی لاالٰہ الا ھو
مومنوں میں ہے تیرے ہی باعث
دوستی لا الٰہ الا ھو
تو نے ہی بخشی شاہِ اجمیر کو
خواجگی لا الٰہ الا ھو
تیرے اعداء سے ہے فقط اپنی
دشمنی لا الٰہ الا ھو
تیری مدحت سے ہو گئی روشن
شاعری لا الٰہ الا ھو
کاش ہو تیرے ذکر میں ہی بسر
زندگی لاالٰہ الّا ھو
ایک معبود کی سکھاتا ہے
بندگی لاالٰہ الّا ھو
کاش بخشش کی دے بلال سند
مجھ کو بھی لا الٰہ الّاھو
---
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین