روس ہمارے اندرونی معاملات میں مداخلت بند کرے: سعودی وارننگ

سعودی عرب کی وزارت خارجہ کے ایک اعلیٰ سطحی عہدیدار نے ریاض میں تعینات روسی مندوب برائے انسانی حقوق کے ایک بیان کی شدید الفاظ میں مذمت کرتے ہوئے اسے مسترد کردیا ہے۔ وزارت خارجہ نے روس کے مندوب برائے انسانی حقوق کے بیان پراحتجاج کرتےہوئے اسے"معاندنہ" قرار دیا اور ماسکو کو خبردار کیا ہے کہ وہ ہمارے اندرونی معاملات میں دخل اندازی کا سلسلہ بند کردے۔

سعودی وزارت خارجہ کے عہدیدار کی جانب سے جاری بیان ملک کی سرکاری خبررساں ایجنسی نے بھی نقل کیا ہے۔ بیان میں روسی مندوب کے بیان کی مذمت کرتے ہوئے اسے سیاسی اور سفارتی آداب کےخلا ف اور معاندانہ قراردیا ہے۔

وزارت خارجہ کے عہدیدار کا کہنا ہے کہ سعودی عرب خود بھی دوسرے ممالک کی خود مختاری اور ان کی بالادستی کا قائل ہے جو کسی دوسرے ملک کے اندورنی معاملات میں مداخلت نہیں کرتا۔ ایسے میں ماسکو کو بھی یہی مشورہ دیتا ہے کہ وہ سعودی عرب کے اندرونی معاملات کے بارے میں کسی قسم کا مشورہ دینے کی کوشش نہ کرے۔ یہ ہماری اپنی پالیسی ہے کہ ہم اندرون ملک شہریوں کی جان ومال کا تحفظ کیسے یقینی بنا سکتے ہیں۔

بیان میں کہا گیا ہے کہ ریاض یہ توقع رکھتا ہے کہ روسی عہدیدار کے اس بیان سے شام میں نہتے شہریوں کے قتل عام سے عالمی توجہ نہیں ہٹے گی۔ عالمی برادری روسی عہدیداروں کی باتوں پر توجہ دینے کے بجائے شام میں خون کی ہولی بند کرانے پر توجہ دیں گے۔ شام میں قیام امن کے لیے سعودی عرب عالمی برادری کے ساتھ ہے۔
العربیہ نیوز

 

جواب: روس ہمارے اندرونی معاملات میں مداخلت بند کرے: سعودی وارننگ

روس ہمارے اندرونی معاملات میں مداخلت بند کرے، مداخلت کے لیے امریکہ کافی ہے

 

جواب: روس ہمارے اندرونی معاملات میں مداخلت بند کرے: سعودی وارننگ

ہمارے حکمرانوں کو بھی ایسی جرات کا مظاہرہ کرنا چاہیے، لیکن انکی آنکھیں اپنی لالچ اور بزدلی نے بند کر رکھی ہیںِ۔