روحانین۔۔۔۔۔۔۔۔۔۔۔۔۔۔۔تحر یر:زبیراحمد

حضرت علی رض فرماتے ہیں کہ روحانین ان فرشتون کوکہاجاتاہے جوساتویں آسمان پہ ایک مقام خطیرالقدس میں رہتے ہیں۔اچھے کاموں کے لیے تین فرشتے جبرائیل،اسرافیل اورمیکائیل موجودہیں۔حضرت آدم ع اورحضرت حنظلہ رض کوفرشتوں نے غسل دیاتھااورحضرت آدم ع کوسب سے پہلے سجدہ حضرت جبرائیل ع نے کیاتھاحضرت میکائیل،اسرافیل،عزرائیل پھرتمام فرشتوں نے سجدہ کیا۔
حضرت اسماعیل ع ایک جلیل القدرفرشتے ہیں شب قدرکے اعمال کانسخہ انہی کے حوالے کیاجاتاہے۔حضرت جبرائیل ع کے گھوڑے کانام حیزوم ہے۔جنت کے اوردوزخ کے داروغہ کانام بالترتیب رضوان اورمالک ہیں۔حضرت اسرافیل ع لوگوں کومیدان حشرکی طرف بلائیں گے اوروہ صورپھونک کرمردوں کو زندہ کریں گے اوروہ قبروں سے نکل آئین گے۔
حضرت اسرافیل ع بیت المقدس پرکھڑے ہوکرکہیں گے کہ اے بوسیدہ ہڈیوں الگ الگ ہوئے جوڑواوربکھرے ہوئے گوشتواللہ تم کوحکم دیتاہے کہ تم فیصلے کے لیے جمع ہوجائوتووہ لبیک کہیں گے بعض کے مطابق صورپھونکنے والے اسرافیل ہونگے لیکن ندادینے والے جبرائیل ہونگے۔
صورایک نورکابناہواسینگ ہے جس میں پھونک ماری جائے گی حضرت عبداللہ بن عمرو رج کی روایت ہے کہ ایک اعرابی آپ ص کی خدمت میں حاضرہوااوردریافت کیاکہ صورکیاہے آپ ص نے ارشادفرمایاکہ ایک سینگ سے جس میں پھونک ماری جائے گی۔حضرت مجاہدرح نے نقل کیاہے کہ صوربوق کی طرح ہے بوق کے معنی نرسنگھاہے۔
خانہ کعبہ کاطواف کرنے والے سب سے پہلے فرشتے تھے سب سے پہلے اذان حضرت جبرائیل ع نے دی سب سے پہلے سبحان اللہ حضرت جبرائیل ع نے کہا اورسب سے پہلے سبحان ربی الاعلی حضرت اسرافیل ع نے کہا۔قیامت میں سب سے پہلاحساب حضرت جبرائیل ع سے ہوگا۔سب سے پہلے نماز حضرت میکائیل ع نے بیت المعمورسے پڑھائی۔
عرش کواٹھانے والے فرشتوں کی تعدادچارہے ایک انسانی شکل پرہے،دوسراشیرکی شکل کا،تیسرابیل کی شکل کااورچوتھاگدھ کی شکل کاہےاورایک روایت کے مطابق قیامت کے دن عرش کواٹھانے والے فرشتوں کی تعدادآٹھ ہوگی اورسب کے سب جنگلی بکروں کی شکل کے ہوں گے۔
ایک آپ ص نے حضرت جبرائیل ع سے دریافت کیاکہ آپ کی پیدائش کب ہوئی توآپ ع نے جواب دیاکہ مجھے نہیں معلوم ہاں اتنامعلوم ہے کہ اللہ تعالی چارہزارسال بعدایک کوکب تارہ پیداکرتے ہیں اوراس وقت چارہزارکوکب پیداہوچکے ہیں۔
تحریر:زبیراحمد