روءف صادق ( مہاراشٹرا ، انڈیا ) کا کلام

غزل روءف صادق ( بیڑ ، مہاراشٹرا، انڈیا) 9373774619 91

حسرت و یاس کہاں دل میں ٹھہرنے والے
زرد پتے ہیں ہواوءں میں بکھرنے والے

چاند سورج کو ہتھیلی پہ ہماری رکھ دو
اپنے وعدے سے نہیں ہم تو مکرنے والے

شدت کرب کی سرخی بھی نمایاں کردیں
خون لمحات کی تصویر میں بھرے والے

اپنی انکھوں کے چراغوں کو جلائےرکھنا
صبح امید کے منظر ہیں ابھرنے والے

پھر تحفظ کی نگاہوں میں ہے دل کا کعبہ
پھر ابابیل کے لشکر ہیں اترنے والے

فکر و احساس کے ائینے ذرا چمکا دو
زندگی کے ہیں خط و خال سنورنے والے

پھر کوئی چوٹ مرے دل کی ہوئی ہے بیدار
پیکر صبط کے شیشے ہیں بکھرنے والے

---------------------

 

بہت اچھا کلام ہے۔ واہ بھئی واہ

رؤف صادق کو ایسی عمدہ غزل لکھنے پر اور

آپ کا اسے یہاں ارسال کرنے پر بہت شکریہ