رسولوں میں سب سے جدا ہیں محمد ﷺ ۔ (بلال رشید)

رسولوں میں سب سے جدا ہیں محمد ﷺ
نہ کیوں ہوں حبیب خدا ہیں محمد ﷺ

کہا آپ کی پڑھ کے سیرت سبھی نے
بجا آپ خیر الورا ہیں محمد ﷺ

رہے گا سدا دور فضل خدا سے
وہ انسان جس سے خفا ہیں محمد ﷺ

نہ کیوں وہ مقدم رسولوں میں ٹھہریں
کہ محبوبِ رب العلی ھیں محمد ﷺ

کرم جن کا یکساں ھے اھلِ زمیں پر
وہی رحمتوں کی گھٹا ھیں محمد ﷺ

غلامی حسین و حسن کی ھے واجب
کہ ان میں ھی جلوہ نما ھیں محمد ﷺ

انہی کی شریعت ھے کامل ابد تک
سو اب ایک ھی رھنما ھیں محمد ﷺ

فدا ان پہ ھیں جان و دل سے مسلماں
بلال اہلِ دل کی نوا ھیں محمد ﷺ​

 

اللہ تعالیٰ آپ کو بھی جزائے خیر عطا کرے آمین