رزق حلال کی طاقت

ایک غریب اور بیوہ عورت حضرت داوود علیہ السلام کے پاس آئی اور عرض کرنے لگی کہ آپ مجھے بتا سکتے ہیں کہ کیا اللہ تعالی کے پاس کوئی انصاف بھی ہے کہ نہیں – حضرت داوود علیہ السلام نے بڑے آرا م سے پوچھا کہ کیا مسئلہ ہے آپکو ، عورت نے جواب دیا میں غریب ہوں ، بیوہ ہوں اور تین بچے ہیں – میں بازار سے سوت لا کر اس کو چرکھے پہ دو دن اور ایک رات میں بنا کر فروخت کر کے اپنے بچوں کے لیے خرچہ لاتی ہوں – آج اپنے گھر سے نکلی فروخت کرنے کے لیے گٹھڑی میرے ہاتھ میں تھی کہ ایک پرندہ آیا جو میرے ہاتھ سے چھین کر لے گیا ، عورت نے اپنی بات مکمل کی کہ باہر دروا‎زے پر دستک دی گئی – داوود علیہ السلام نے اپنے آدمی سے کہا دیکھو کون ہے پتہ چلا کچھ مہمان ہیں آپ سے ملنا چاہتے ہیں آپ نے ملاقات کی تو انہوں نے بتایا کہ ہم سب تاجر ہیں اور تجارت کے سلسلے میں کشتی میں سفر کر رہے تھے کہ کشتی میں سوراخ ہو گیا اور پانی اندر آنا شروع ہو گیا ہم سب نے اپنے اپنے دل کی چاہت اور طاقت کے مطابق منت مانی کہ آج ہم بچ گئے تو اتنا اتنا اللہ تعالی کے نام کا اصل حقدار کے ہاتھ میں دیں گےاتنے میں ایک پرندہ ہوا میں اڑتا ہوا آیا اور اوپر سے ایک گھٹڑی پھینکی جو کشتی میں آ گری ہم نے وہ گھٹھڑی اس سوراخ میں دی اور پانی بند ہو گیا اور اسطرح ہم اللہ تعالی کے کرم سے بچ گئے اب ہم اس سلسلے میں آپ کے پاس آئے ہیں کہ یہ امانتیں ہم کس کو دیں اس پر حضرت داوود علیہ السلام نے اس عورت کو بلایا کہ میرے رب کا انصاف دیکھ لے اور اس سب دولت کی آپ مالک ہیں اورحقدار ہیں -

 

اللہ سے ڈرو تاکہ تم پر رحم کیا جائے !