ربا اپنی خیر منائیے

ربا اپنی خیر منائیے
اپنا لکھیا آپ ہی پڑھیئے
تے آپ نوں ہی سنائیے
ربا اپنی خیر منائیے
ربا دل نوں سانبھ کے ٹرئیے
اپنے رستے پئے جائیے
کسے لئی پچھانہہ نہ مڑئیے
ربا دل نوں سانبھ کے ٹرئیے
ربا عشق کسے نہ ہوئے
ورھیاں لنگھے اکھ لگیاں
تے ورھیاں لنگھے سوئے
ربا عشق کسے نہ ہوئے
ربا اپنا سُکھ چھڈئیے
اک جندڑی، اک وار حیاتی
دُکھ دا گاٹا وڈئیے
ربا اپنا سُکھ نہ چھڈئیے
ربا پیار کدے نہ پائیے
بے قدرے، بے ویہتے جیہاں توں
کیوں پئے جند گوائیے
ربا پیار کدے نہ پائیے
ربا یار دی مورت ڈھائیے
اپنی مرضی ٹُر جائیے
تے اپنی مرضی آئیے
ربّا یار دی مورت ڈھائیے
انجم قریشی
​