راولپنڈی: عارشوہ کے جلوس کے قریب تصادم، کرفیو نافذ

اسلام آباد — پاکستان کے دارالحکومت اسلام آباد سے ملحقہ شہر راولپنڈی میں یوم عاشور کے ماتمی جلوس کے قریبی دو گروہوں میں تصادم سے کم از کم سات افراد ہلاک اور 30 سے زائد زخمی ہو گئے۔
حکام اس واقعہ کو ’فرقہ وارانہ‘ تصادم قرار دے رہے ہیں۔ شہر میں کشیدگی کے باعث بعض علاقوں میں کرفیو نافذ کر دیا گیا ہے جو 16 نومبر کی رات 12 بجے تک جاری رہے گا۔
اطلاعات کے مطابق عاشورہ کا جلوس جمعہ کی سہ پہر راولپنڈی کے معروف علاقے راجا بازار سے گزر رہا تھا کہ راستے میں واقع ایک مسجد کے قریب نامعلوم مسلح افراد کی فائرنگ کے بعد دو گروہوں میں تصادم شروع ہو گیا۔
فوری طور پر پولیس کی اضافی نفری طلب کرنے کے علاوہ سکیورٹی فورسز کے دستے بھی وہاں پہنچ گئے لیکن کشیدگی پر قابو نا پایا جا سکا۔
دونوں اطراف سے فائرنگ کا سلسلہ بھی کافی دیر تک جاری رہا جس کے بعد مشتعل افراد نے کئی دکانوں خاص طور پرکپڑے کی ایک مارکیٹ کو آگ لگا دی۔
کشیدہ صورت حال کے باعث ابتدا میں آگ پر قابو نا پایا جا سکا تاہم کرفیو کے نفاذ کے بعد رات کو آتشزدگی پر قابو پا لیا گیا۔
زخمیوں کو قریب ہی واقع سرکاری اسپتالوں میں اپنی مدد آپ کے تحت منتقل کیا گیا۔
عینی شاہدین کے مطابق مساجد سے اعلانات بھی کیے گئے کہ لوگ گھروں میں ہی رہیں جب کہ گلیوں میں سکیورٹی فورسز کے اہلکار گشت کر رہے ہیں۔
ملک بھر میں یوم عاشور کے ماتمی جلوس بالعمول اپنی منزلوں پر پہنچ کر اختتام پذیر ہو گئے اور کسی علاقے سے کشیدگی کی اطلاع نہیں ملی۔
پنجاب حکومت نے راولپنڈی میں پیش آنے والے واقعہ کی تحقیقات شروع کر دی ہیں اور اس ضمن میں علاقائی پولیس سربراہ سے رپورٹ طلب کی گئی ہے۔
http://www.urduvoa.com/content/pakistan-rawalpindi-curfew-killing/1791399.html

 

سیکورٹی اداروں کی غفلت کا نتیجہ بھی ہو سکتا ہے

 

بہت غلیظ کام شروع کر دیا ہے ان لوگوں نے بدامنی پھیلانے کے لئے مجھے پورا یقین ہے کہ یہ یہودیوں کے پیٹھو ہیں

 

پاکستان تو پاکستانیوں کا ہے چاھیے وہ کوئی بھی ہوں۔لیکن شرط ہے کہ محب وطن ہوں ۔لیکن یہاں تو لیڈر سے لے کر نیچے تک اکثریت اپنے بینک بھر رہیں ہیں اور ملک کو جتنا ہو سکے نقصان پہنچا رہے ہیں ۔لیکن یہ بھول گے ہیں کہ وہ جو کچھ ہیں صرف اور صرف اس ملک کی وجہ سے ہیں

 

گزشتہ روز گجرات یونیورسٹی کے ایک سینیر پروفیسر جو اہل تشیع مسلک سے تعلق رکھتے تھے ، کو سرعام پولیس ناکے کے بالکل قریب ڈرائیور سمیت فائرنگ کر کے قتل کر دیا گیا اور وہاں رقعہ پھینکا گیا کہ یہ راولپنڈی والے واقعہ کا بدلہ ہے۔
یہ سب معاملہ یقینا ملک میں ایک دفعہ پھر سے فرقہ ورانہ فسادات کو ہوا دینے کے لیے کیا جا رہا ہے اور اس میں بیرونی ہاتھوں کا ملوث ہونا عین ممکن ہے۔
اللہ کریم ملک پاکستان کی خیر فرمائے۔

 

پنجاب میں جو کچھ ہو رہا ہے میاں شہباز شریف کی ناک کے نیچے ہو رہا ہے ۔وہ بالکل نااہل وزیر اعلی ہیں( لاہور میں شری لنکن کرکٹ ٹیم پر فائیرنگ)انتظامیہ یا تو ان ہنگاموں میں ہنگامہ کرنے والوں کے ساتھ ملی ہوئی ہے یا انہیں اس کی پروا نہیں ہے

 

میرے کچھ قریبی عزیز اس وقت مسجد میں موجود تھے اور انہوں نے مجھے جو واقعات سنائے ہیں وہ ان تمام باتوں سے یکسر مختلف ہیں کہ جو یہاں بیان کی گئی ہیں ۔ ۔ ۔

 

انہوں نے کیا حالات و واقعات بتائے؟

 

میرے پھوپھی کے بیتے اور اُن کے کچھ رشتے دار صدر اور راجہ بازار میں کوٹ پنٹس کا کام کرتے ہیں ، اُس دن اُن مین سے کچھ وہیں موجود تھے جو باتیں اُنہوں نے بتائی ہیں وہ نہایت ہی افسوسناک ہیں ، اُن کے مطابق امام صاحب نے اپنے خطبے میں کوئی ایسی بات نہیں کہی تھہ جو اب ہم لوگ میڈیا یا سوشل میڈیا پر سُن رہے ہیں ، جس وقت یہ سارا مسئلہ شروع ہوا اُس وقت میرا ایک پھوپھی کا بیٹا وضو خانے میں تھا باقی مسجد میں تھے امام صاحب خطبہ دے رہے تھے میرا جو پھوپھی زاد وضو خانے میں تھا اُس کے مطابق جب وہ وضو کرنے جا رہا تھا تو اُس نے کچھ لوگوں نے مسجد اور مدرسے کے مین گیٹ پر کھڑے لڑکوں سے تلخ کلامی کرتے دیکھا وہ کچھ دیر دیکھتا رہا پھر وضو کرنے چلا گیا وضو کر کے جب وہ باہر نکلا تو دیکھا کہ وہ لوگ اُن لڑکوں کو گھسیٹ کر لے جا رہے تھے اُسی وقت کچھ اور لوگ مسجد میں داخل ہوئے اور اُنہوں نے لاؤڈ اسپیکر بند کرنے کا کہا اور امام صاحب اور نمازیوں کو گالیاں دینے لگے ، کچھ لوگ اُٹھے اور انہوں نے لاؤڈ اسپیکر بند کر دیا کچھ نوجوانون کی اُن سے تلخ کلامی بھی ہوئی بلکہ تھوری سی ہاتھا پائی بھی ہوئی پھر اُس کے بعد وہ لوگ چلے گئے امام صاحب نے جماعت کروائی نماز ابھی نماز پڑھ کر لوگ فارغ ہی ہوئے تھے کہ ایک بار پھر شور مچ گیا کئی لوگ ہاتھوں میں ڈندے چھرے اور اسلھہ لیکر مسجد میں داخل ہو گئے اور اُس کے بعد اُنہوں نے فائرنگ شروع کر دی پھر جس کا جدھر منہ ہوا وہ اُدھر بھاگ نکلا ، وہ لوگ بھی پچھلی گلی میں پہنچے تو دیکھا کہ کچھ لوگ وہاں مدرسے کا طلباء کو گھسیٹ کر لے آئے تھے اور وہ اُنہیں بری طرح مار رہے تھے اُنہوں نے پیٹرول کی بوتلیں بھی پکڑ رکھی تھی ۔ ۔ ۔
اُس نے کچھ ایسی باتین بھی بتائیں کہ جو مین یہاں لکھ نہین سکتا ، کیونکہ میں بذات خود ان واقعات کا شاہد نہیں ہوں ۔ ۔ ۔

 

اسی کمی اور کمزوری کا ملک دشمن فاہدہ اٹھا رہے ہیں