ذاتِ محمد سِرِّ مسلم ۔۔ صلی اللہ علیہ وآلہ وسلم

رحمتِ یزداں، نورِ مجسّم ۔۔۔ صلی اللہ علیہ وسلم
شافعِ محشر، سرورِ عالم ۔۔۔ صلی اللہ علیہ وسلم

قُدسی بھی ہیں جن کے ثناخواں، جبریل آئے بن کے درباں
وحیءِ الہی جن کا تکلّم ۔۔۔ صلی اللہ علیہ وسلم

شجروہجر دیتے ہیں سلامی ، سلطانوں نے کی ہے غلامی
زیرِ نگیں ہیں صد ہا عالم ۔۔۔ صلی اللہ علیہ وسلم

شاہِ ملائک نیچے کھڑا ہے، منزلِ عبدی(ص) اوادنیٰ ہے
ذاتِ محمد، سِرِّ مسلّم ۔۔۔ صلی اللہ علیہ وسلم

جو ہیں سراپا رُشدوہدایت ، جن کے سر پہ تاجِ شفاعت
کنزِ الہی کے ہیں قاسم ۔۔۔ صلی اللہ علیہ وسلم

اوّل ہوکے آخر آئے، نبیوں کے خاتم کہلائے
جن کی نبوّت دائم و پیہم ۔۔۔ صلی اللہ علیہ وسلم

جن کا کھلونا چاند بنے ہے ، شمس بھی جنکے آگے جھکے ہے
نورِ جہاں ہے جن کا تبسم ۔۔۔ صلی اللہ علیہ وسلم

بیت اللہ کی شانِ جلالی ، گنبدِ خضریٰ کی ہریالی
دیکھ لے میری چشمِ پرنم ۔۔۔ صلی اللہ علیہ وسلم

صلّو علیہ کا حکمِ قرآنی ، محبوبیت کی خاص نشانی
تو بھی رضا پڑھتا جا ہردم ۔۔۔ صلی اللہ علیہ وسلم

(نعت گو: محمد نعیم رضا)​

 

سبحان اللہ ۔ بہت خوبصورت نعت شریف بمعہ درودپاک ہے۔

 

سبحان اللہ ۔۔صلی اللہ علیہ وسلم
جزاک اللہ

 

سبحان اللہ۔ کیا مقام ہے ہمارے آقا :saw: کا۔ یعنی باالفاظ دیگر

تم ذاتِ خدا سے نہ جدا ہو نہ خدا
اللہ ہی کو معلوم ہے کیا جانئیے کیا ہو
:saw: :saw: :saw:​

 

آمین ثم آمین۔
نعیم بھائی ۔ بہت پیاری نعت مقدسہ ہے۔