دیکھ کر آتے ہیں یہ طیبہ نگر کی صورت ۔۔ جاوید صدیقی گونڈوی

*دیکھ کر آتے ہیں یہ طیبہ نگر کی صورت*
*دیکھتا رہتا ہوں میں شمس و قمر کی صورت*

*میرے سرکارﷺ کسی روز قدم رکھ دیتے*
*پھر تو کچھ اور ہی ہوتی مرے گھر کی صورت*

*بہر ِ دستار جو پیزار میسر آتی*
*دیکھنے آتے فرشتے مرے سر کی صورت*

*سبز گنبد سے ہوئی مس تو یہ محسوس ہوا*
*نور میں ڈوب گئی میری نظر کی صورت*

*اشک بیتاب ہیں نعت ان کو سنانے کیلئے*
*کوئی تو نکلے مدینے کے سفر کی صورت*

*ہجر طیبہ نے جو بخشے تھے پہنچ کر طیبہ*
" *دل کا ہر داغ چمکتا ہے قمر کی صورت* "

*میرے سرکارﷺ کا "جاوید" وہ در ہے کہ جہاں*
*بلبل ِ سدرہ بھی آئے ہیں بشر کی صورت*
----
جاوید صدیقی گونڈوی
عالمی واٹسپ گروپ "بزم نعت" کا چوہترواں شاندار طرحی مشاعرہ
فروری 2019
​

 

*اشک بیتاب ہیں نعت ان کو سنانے کیلئے*
*کوئی تو نکلے مدینے کے سفر کی صورت*​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین