دیکھئے دیکھئے پچتائے گا - شور

غزل
(شور)

دیکھئیے دیکھئیے پچتائیے گا
غیر کے دم میں نہ آجائیے گا

غیر کو چاہو اگر بسم اللہ
دل ہمارا سا کہاں لائیے گا

اپنے بسمل کا اگر رقص کبھی
دیکھئیے گا تو پھڑک جائیے گا

یہ تو فرمائے ناصح پہلے
مجھ کو کیا آتے ہی سمجھائیے گا

میرے رونے کی حقیقت کہہ کر
دشمنوں کو کہیں ہنسوائیےگا

حضرت دل نہ کسی پر مرے
مرتے مرتے یوں ہی مرجائیے گا

چھیڑ کر نالوں کو اپنے اے شور
خلق میں شور نہ مچوائیے گا​