دکھتا ہے ہر بہار میں جیسے چمن کا رنگ۔ منقبت امام حسن مجتبی علیہ السلام

15رمضان المبارک جشنِ ولادتِ امام حسن مجتبی علیہ السلام کی مناسبت سے ہدیہ منقبت

اللھم صل علی سیدنا ومولانا محمد علیٰ آلہ وصحبہ وبارک وسلم​

دِکھتا ہے ہر بہار میں جیسے چمن کا رنگ
ہے گلشنِ رسولؐ میں ایسے حسن کا رنگ

ثانی امام ہیں وہ حسن مجتبیٰ ہے نام
بِن جن کے نا تمام رہے پنجتن کا رنگ​

بھیجا خدا نے نام بھی جنت سے اس لیے
اِن کےجمال سے ہے جمالِ عدن کا رنگ

حیدرؑ کے جانشیں یہ برادر حسینؑ کے
رنگِ بتول آپ میں، شاہِ زمنؐ کا رنگ​

بزمِ جہانِ فکر کو دے دی جہت نئی
ذاتِ حسن سراپائےصُلح وامن کا رنگ

راہِ حیات ایسی جہاں کو دکھا گئے
رونق فروز ہو گیا ا ِس انجمن کا رنگ​

تصویرِ کائنات میں زینت بکھیری یوں
قربان ہوکے بھر دیا سروثمن کا رنگ

مِدحت جو کررہا ہے رضاؔ آلِ پاک کی
اِس واسطے بڑھا ہے میرے سخن کا رنگ
​

ہدیہ عقیدت: محمد نعیم رضاؔ قادری​

​