دولت نہ تخت وتاج نہ کردار کے سبب ۔ حامد رضا نعمانی سمستی پوری

دولت نہ تخت وتاج نہ کردار کے سبب
جنت ملے گی احمد مختار کے سبب

زنجیر ظلم میں نہ کوئی ہوگا اب اسیر
آزادی مل گئی شہ ابرار کے سبب

سارے ذرائع چھوڑ فقط اتنا جان لے
جنت ملے گئی الفت سرکار کے سبب

اک دن بلا کے در پہ کرادیجئے حضور
جنت کی دید طیبہ کے دیدار کے سبب

دائ حلیمہ لے گئیں جس دم حضور کو
گھر نور بار ہوگیا سرکار کے سبب

زاد سفر نہیں تھا مگر طیبہ آگیا
میں بھی نگاہ احمد مختار کے سبب

حامد جو بن گیا ہوں میں مداح مصطفیٰ
پایا شرف یہ نعتیہ اشعار کے سبب
-----
حامد رضا نعمانی سمستی پوری ​

 

اللہ تعالیٰ آپ کو بھی جزائے خیر عطا کرے آمین