دوزخ میں ہے دنیا اِسے جنت کی پڑی ہے

دوزخ میں ہے دنیا اِسے جنت کی پڑی ہے

[table=" width=60%"]آندھی ہے تلاطم ہے مصیبت ہے بلا ہے | شعلے ہیں شرارے ہیں جہنم کی ہوا ہے
نفرت کا یہ موسم ہے تعصب کی فضا ہے | محشر سے بہت پہلے یہاں حشر بپا ہے[/table]
سجدے بھی کیےخاک پہ مانگی ہے دعا بھی
ناراض ہے اس قوم سے شاید کہ خدا بھی

[table="width=60%"]ہر سمت یہاں نالہ و فریاد و فغاں ہے |بستی کہاں بستی ہے قیامت کا سماں ہے
دنیا کی ہے یہ شکل کہ دوزخ کا گماں ہے |اے مالکِ کونین ترا رحم کہاں ہے[/table]
برہم ہوئے انسان غم و رنج و الم سے
مایوس نہ کر اِن کو عنایت سے کرم سے

[table="width=60%"]افسوس کہ آپس میں ہیں ہم بر سرِ پیکار |روتے ہیں یہاں لوگ تو خوش ہوتے ہیں اغیار
اِس قوم کو کیا جانئے کیا لگ گیا آزار |انجام سے ڈرتا ہوں کہ اچھے نہیں آ ثار[/table]
حالات سے ہر ایک ہے بے چین پریشان
اِس ملک میں چلتا ہے کسی اور کا فرمان

[table="width=60%"]حیران ہوں یہ لوگ بھی انسان ہیں یا رب |جاتے ہیں جہاں موت کا سامان ہیں یا رب
چلتا ہوا پھرتا ہوا طوفان ہیں یا رب |دنیا کی نظر میں یہ مسلمان ہیں یا رب[/table]
بندوں نے ترے دہر میں یہ کام کیا ہے
ہر دیس میں اسلام کو بدنام کیا ہے

[table="width=60%"]اس طرح کے بے رحم بھی ہوتے ہیں مسلمان |دکھ درد سے بےحس ہیں کہ جیسے کوئی بے جان
دیندار ہیں ایسے کہ نہیں دین کی پہچان |رکھتے ہیں تمنا کہ ہر اک شہر ہو سنسان[/table]
کوتاہی افکار ہے اور ذہن ہیں بیمار
دوزخ کے ہیں معمار یہ جنت کے طلبگار

[table="width=60%"]ظالم ہیں کہ مظلوم ہیں کیا جانئے کیا ہیں |یہ اہلِ ستم ہیں کہ گرفتارِ بلا ہیں
بیداد کی تصویر ہیں نفرت کی ادا ہیں |بت خانہ عالم میں پرستارِ خدا ہیں[/table]
مرنے کے سوا کوئی تمنا نہیں رکھتے
بیمار ہیں پر شوقِ مسیحا نہیں رکھتے

[table="width=60%"]گزری ہے کچھ ایسی کہ زمانے سے ہیں بیزار |پھولوں سے نہیں گلشنِ ہستی میں سروکار
ہر موجِ صبا کرتی ہے اک درد کو بیدار |مرنے کو ہیں تیا ر یہ نا واقفِ اسرار[/table]
پیدا ہوئے جس دن سے مرے ہیں نہ جئے ہیں
بے خوف و خطر جسموں سے بم باندھ لئے ہیں

[table="width=60%"]جا کر کسی مسجد میں اڑا دیتے ہیں خود کو |بچوں کے سکولوں میں جلا دیتے ہیں خود کو
قاتل ہیں کچھ ایسے کہ مٹا دیتے ہیں خود کو |نفرت کی یہ حد ہے کہ بھلا دیتے ہیں خود کو[/table]
مل جائے گا کیا اِن کو اگر سوگ بہت ہوں
مرتے ہیں وہاں جا کے جہاں لوگ بہت ہوں

[table="width=60%"]مقصد ہے کہ شہروں میں تباہی سی مچا دیں |اونچی ہیں سروں سے جو عمارات گرا دیں
بارود کے شعلوں میں گلستاں کو جلا دیں |مٹنا ہے اگر خود تو ہر اک چیز مٹا دیں[/table]
جیتے رہے کچھ اور تو کیا اِن کو ملے گا
وہ زخم ہے دل پر نہ مٹے گا نہ سلے گا

[table="width=60%"]مانا کہ بڑے قہر سے گزرے ہیں بچارے |ماں باپ بہن بھائی مرے جنگ میں سارے
بمباریاں اِن پر ہوئیں برسے ہیں شرارے |احباب جو باقی تھے وہ جنت کو سدھارے[/table]
دو بار قیامت تو بپا ہو نہیں سکتی
دکھ ایسے ملے ہیں کہ دوا ہو نہیں سکتی

[table="width=60%"]کس سمت کو جانا ہے بتاتا ہے کوئی اور |یہ راہِ ستم اِن کو دکھاتا ہے کوئی اور
مرنے کے یہ انداز سکھاتا ہے کوئی اور |آگ اپنی ہے پر اِس کو لگاتا ہے کوئی اور[/table]
ناقص ہیں جو چلتے ہیں سہارے پہ کسی کے
سب کارِ نمایاں ہیں اشارے پہ کسی کے

[table="width=60%"]دنیا نے ہمیں جو بھی کہا مان لیا ہے |حکام نے امداد کا احسان لیا ہے
خیرات پہ جینا ہے یہی ٹھان لیا ہے |غیروں نے ہر اک رمز کو پہچان لیا ہے[/table]
مسجد میں یونہی جاتے ہیں راحت کے پجاری
پیسوں سے یہ بن جاتے ہیں ظالم کے حواری

[table="width=60%"]رستہ کوئی واضح ہے نہ منزل کا نشاں ہے |سب نفع کے پیچھے ہیں یہی سب کا زیاں ہے
سونے کی نظر ہے یہاں پیسے کی زباں ہے |ارزاں ہے کوئی چیز تو اک خواب گراں ہے[/table]
الجھی ہوئی باتوں میں بہت پیچ ہیں خم ہیں
بت خانہ مذہب میں تخیل کے صنم ہیں

[table="width=60%"]لازم ہیں ترقی کے لئے صنعت و ا یجاد |اب علم پہ ہے قوتِ اقوام کی بنیاد
ہوتی ہے سدا مفلس و کمزور پہ بیداد |ہم قیدِ غلامی میں ہیں اب تک نہیں آزاد[/table]
یہ بات نہ سمجھیں گے اسیرانِ روایات
جاری ہیں لبِ واعظ و ملا پہ حکایات

[table="width=60%"]اوپر کوئی دنیا ہے کہ حوروں سے بھری ہے |کیا گیسو و رخسار ہیں کیا جلوہ گری ہے
ہر شاخ گلستانِ تمنا کی ہری ہے |واعظ کا مصلیٰ نہیں لالچ کی دری ہے[/table]
کچھ فکر نہیں سب پہ مصیبت کی گھڑی ہے
دوزخ میں ہے دنیا اِسے جنت کی پڑی ہے​

 

جواب: دوزخ میں ہے دنیا اِسے جنت کی پڑی ہے

واہ جی واہ چھا گئے او جی