دوبٹہ تین .... 2/3

راگ میں آگ ہے پوشیدہ اگر دوبٹہ تین
نام ہے جس کا بشر اس میں ہے شر دوبٹہ تین

منحصر قوت بازو پہ ہے دولت مندی
دیکھ لو زور میں موجود ہے زر دوبٹہ تین

ملک الموت سے دنیا میں ہراساں نہیں کون
جس کو کہتے ہیں نڈر اس میں ہے ڈر دوبٹہ تین

فیصدی زیادہ امیدوں کا نتیجہ ہے صفر
دیکھ لو سو (100)کے عدد میں ہے صفر(0) دوبٹہ تین

فخر کرتا ہے جو ،انسان نہیں خَر ہے وہ
جس طرح لفظ فخر میں ہے خَر دوبٹہ تین


صبر گرچہ ہے تلخ، ہے برِ شیریں دیتا
جس طرح لفظِ صبر رکھتا ہے بر دو بٹا تین

@نعیم ، @ھارون رشید ، @الکرم ، @سین ، @آصف احمد بھٹی ، @تانیہ ، @محبوب خان ، @آصف حسین ، @واصف حسین ، @ارشین بخاری​

 

بہت خوب جناب بہت شکریہ