دنیا میں گم ہو کے میرا چھن گیا صبر و قرار ۔۔ ضیاء شہزاد

دنیا میں گم ہو کے میرا چھن گیا صبر و قرار
۔۔ ہو کرم سرکار اب تو ہو گئے غم بیشمار۔۔
ظلمتوں میں گھر گیا ہوں اور گھٹا جاتا ہے دم
بھیج دیجے کچھ مدینے کی ہوائے مشکبار
چل رہا ہوں ایک مدت سے نہیں منزل کوئی
میرے رستے میں بچھے ہیں ہر قدم پہ کانٹے، خار
نا کوئی سالار ہے اور نا ہے کوئی کارواں
رہنما ہیں آپ میرے آپ ہیں بس غمگسار
اے رسولِ ہاشمی للہ مجھ کو تھام لیں
چلتے چلتے تھک گیا ہوں گرتا ہوں میں بار بار
میں مدینہ جائوں تو واپس نہ آئوں لوٹ کر
ہیں یہاں پر ہر قدم میرے لئے تو غم ہزار
دنیا بھی پائو سدھارو آخرت کی زندگی
آئے بس شہزاد لب پر نامَ آقاﷺ بار بار
ضیاء شہزاد​

 

اللہ تعالٰی آپ کو بھی جزائے خیر عطا کرے آمین