دل کو حاصل ہے مرے دوست کے ادراک کا دکھ

دل کو حاصل ہے مرے دوست کے ادراک کا دکھ
آگ کیا سمجھے گی اب بکھری ہوئی راکھ کا دکھ

پیڑ کے پیچھے ہےلڑکی کو بری شیپ کا غم
اور ہے پیڑ کو بس اپنی گری ساکھ کا دکھ

یہ جو دنیا ہے جہنم کے ٹرائل کی طرح
بسنے والوں کو یہاں کے ہے کٹی ناک کا دکھ

کوئی روتا ہے تو سیراب بھی ہوتا ہے کوئی
خاک کے حق میں تو بہتر ہی ہے افلاک کا دکھ

ان میں کاجل نہیں ہوتا تو عیاں ہوتا نہیں
رخ پہ پھیلا ہے ابھی جلتی ہوئی آنکھ کا دکھ

ایک ہنگام بپا ہوگا سرِ بزم یہاں
چاک پر رکھا ہوا ہے دلِ چالاک کا دکھ

 

بہت عمدہ جناب

 

بہت شکریہ جناب شاد رہیں

 

جزاک اللہ خیراً کثیراً