دل کو آئینہ دیکھا ، ذہن کو رسا پایا ۔۔ ایاز صدیقی

دل کو آئینہ دیکھا ، ذہن کو رسا پایا
ہم نے اُن کی مدحت میں زیست کا مزہ پایا

بے وسیلۂ احمد زندگی نے کیا پایا
آہ بے اثر دیکھی نالہ نارسا پایا

جس طرف نظر اٹھی آپ ہی نظر آئے
سایہ افگنِ عالم دامنِ عطا پایا

راستے کے پتھر ہوں یا سخن کے نشتر ہوں
آپ کو بہر عالم پیکرِ رضا پایا

کون عرشِ اعظم پر آپ کے سوا پہنچا
کس نے سارے نبیوں میں ایسا مرتبہ پایا

رحمتِ دو عالم سے ہم نے جب کبھی مانگا
ظرف سے سوا مانگا ، مانگ سے سوا پایا

مرحبا ایاز اُن پر لطفِ خالقِ اکبر
تاجِ کُن فکاں سر پر ، عرش زیرِ پا، پایا
٭٭٭
ثنائے محمدﷺ ... ایاز صدیقی
​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔جزاک اللہ

 

اللہ تعالیٰ آپ کو بھی جزائے خیر عطا کرے آمین