دل و جاں سے جو نبی کا غلام بنتا ہے ۔ محمد عمران شریف

نعت رسول مقبول ﷺ
----
دل و جاں سے جو نبی کا غلام بنتا ہے
مدینہ بھی اسے ماہِ تمام لگتا ہے​

نگر نبی کا مفرح ہے جابجا ایسا
قدم قدم دلِ مضطر یہاں سنورتا ہے

قدم قدم جبیں سجدہ بدوش کر لینا
قدم قدم یہاں نورِ خدا اترتا ہے

درِ رسول پہ رکھ دینا عاجزی کے ساتھ
یہاں نصیب بکروٹ قریں بدلتا ہے

یوں لمحہ لمحہ گزارو بکوچہءِ جاناں
پگھل کے جوں مہِ کامل افق میں ڈھلتا ہے

جگہ جگہ کو یہاں چومنا عقیدت سے
جگہ جگہ یہاں رحمت کا پھول کھلتا ہے

شرف یہ سبز گیں گنبد کے لمس کا ہےکہ
ہوا کے جھونکوں میں بارِ کرم مہکتا ہے

درِ کرم ہے مطب ایسا خاک سے جس کی
مریض عشق کو علت میں چین ملتا ہے

رضا نبی کی ملے جس کو دار فانی میں
نصیب کا غنی عمران بن کے چلتا ہے
----
محمد عمران شریف
​

 

اللہ تعالیٰ آپ کو بھی جزائے خیر عطا کرے آمین