دل میں بس جائے اگر خیرِ بشر کی صورت ۔۔ ڈاکٹر کاشف بریلوی

دل میں بس جائے اگر خیرِ بشر کی صورت
دل کا ہر داغ چمک جائے قمر کی صورت

جب سے نکلی ہے مدینے کے سفر کی صورت
رخ چمکتا ہے مرا لعل و گہر کی صورت

اِس نے سرکارﷺ کے روضے کی زیارت کی ہے
کیوں بھلا دیکھے مری آنکھ سقر کی صورت

نور ہی نور تھا جس سمت نظر جاتی تھی
شامِ طیبہ بھی لگی ہم کو سحر کی صورت

بن گئے لعل و گہر خاک کے وہ ذرّے جو
ان کے قدموں میں بچھے راہ گزر کی صورت

وہ کنارے پہ لگا دینگے سفینہ کاشف
چاہیں کتنی ہی بھیانک ہو بھنور کی صورت
---
از۔۔۔۔۔۔۔۔۔ڈاکٹر کاشف بریلوی
عالمی واٹسپ گروپ "بزم نعت" کا چوہترواں شاندار طرحی مشاعرہ
فروری 2019​

 

نور ہی نور تھا جس سمت نظر جاتی تھی
شامِ طیبہ بھی لگی ہم کو سحر کی صورت​

 

بن گئے لعل و گہر خاک کے وہ ذرّے جو
ان کے قدموں میں بچھے راہ گزر کی صورت​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین