درس دیتے رہے نصابوں کا ۔۔۔۔۔۔۔۔۔۔۔۔۔ زنیرہ "گُل" (اصلاح طلب)

درس دیتے رہے نصابوں سے
ہم محبت بھری کتابوں سے
اک عجب فلسفہ ہے دنیا کا
منسلک ہم رہے خرابوں سے
اک گناہوں کا ٹوکرا بھر کر
میل کرتے رہے ثوابوں سے
وہ جو منکر نکیر پوچھیں گے
ہمیں ڈر ہی نہیں عذابوں سے
فکر گر ہے تو بس اس الفت کی
اَن گِنَت اس جہاں کے خوابوں سے
اب بھی توبہ کا وقت ہے اے "گُل"
فانی دنیا کے ان سرابوں سے

زنیرہ "گُل"​

 

نظر بہ مہر و وفا از سرِ ندامت ہے
وگرنہ ذوقِ ستم گستری سلامت ہے

نگار خانۂ وہم و گماں کا ہر پیکر
غزال چشم و گل اندام و سرو قامت ہے

درازئِ شبِ ہجراں بہ چشمِ غیض نہ دیکھ
کہ دل مقابلِ دعوائ استقامت ہے

مکینِ کوچۂ جاناں ہوا ہے طالبِ خلد
مقامِ سرزنش و مَوردِ ملامت ہے

اگرچہ راندۂ درگاہ ہوں مگر پھر بھی
خدا کا شکر ہے کاسہ ابھی سلامت ہے

کیا ہے خونِ تمّنا یہ سوچ کر ناصر
غمِ شکستِ تمنّا بھی اک قیا مت ہے

 

اس دور کے اثر کا جو پوچھو بیاں نہیں
ہے کون سی زمیں کہ جہاں آسماں نہیں

اس درجہ دلبروں سے کوئی رسم دلبری
دل ہاتھ پر لیے ہوں کوئی دل ستاں نہیں

افسردہ دل تھا اب تو ہوا غم سے مردہ دل
جیتا ہوں دیکھنے میں ولے مجھ میں جاں نہیں

آداب صحبتوں کا کوئی ہم سے سیکھ لے
پر کیا کروں کہ طالب صحبت یہاں نہیں

دل جل کے بجھ گیا ہے کسی نے خبر نہ لی
ہم سوختہ دلوں کا کوئی قدرداں نہیں

ہے کل کی بات سب کے دلوں میں عزیز تھا
پر ان دنوں تو ایک بھی دل مہرباں نہیں

ایسی ہوا بہی کہ ہے چاروں طرف فساد
جز سایۂ خدا کہیں دارالاماں نہیں

عالم کی ہے گی نرخ الٰہی سے زندگی
تس پر بھی دیکھتا ہوں کہ بہتوں کو ناں نہیں

حاتمؔ خموش لطف سخن کچھ نہیں رہا
بکتا عبث پھرے ہے کوئی نکتہ داں نہیں

 

اب آپ کوکیسے سمجھایا جائے کہ یہ کس قسم کی پوسٹ ہے

 

ایک اور اچھی کوشش.. ماشاءاللہ
لیکن کچھ چیزیں غور طلب ہیں

"درس دیتے رہے نصابوں کا"
نصاب کا نہیں بلکہ نصاب سے درس دیا جاتا ہے

"گنتی کرتےرہے ثوابوں کا"
ثوابوں کا نہیں ثوابوں کی ہونا چاہیے

"فکرکرتے نہیں جوابوں کا"
جوابوں کا نہیں جوابوں کی فکر ہوتی ہے

"سجدہ کر لے اب ان گناہوں کا"
گناہوں کے بعد توبہ کی جاتی ہے

کوشش جاری رکھیں ساتھ میں نثر کا مطالعہ بہت ضروری ہے​

 

اچھا ایک مسئلہ قافیے کا بھی ہے
آپ نے قافیے استعمال کیے ہیں وہ ہیں
نصابوں، خوابوں، کتابوں، خرابوں، جوابوں
لہذا آخری شعر میں گناہوں قافیے کے طور پر استعمال نہیں ہو سکتا...

 

بہت بہت شکریہ ممنون ہوں

 

میں دوبارہ کوشش کرتی ہوں غلطیاں درست کرنے کی لیکن یہ آخری شعر کے قافیے کا مسئلہ سمجھ سے بالا تر ہے

 

فی الحال بس اتنا سمجھ لیں کہ تمام قافیوں میں آخر میں
" ابوں " استعمال ہو رہا ہے جبکہ آخری قافیے میں "اہوں" آرہا ہے
ہاں اگر آپ مطلع میں "گناہوں " کا استعمال کر تیں تو پھر قافیہ وسیع ہو جاتا

 

شکریہ محترم کچھ کچھ تبدیلیوں کے ساتھ حاضر

 

پہلے سے کافی بہتر ہے..لیکن ابھی بھی مزید بہتری کی گنجائش ہے

در اصل غزل میں دو چیزوں کا خیال رکھنا پڑتا ہے
ایک عروض کے اصولوں کا اور دوسرا اپنے خیالات کا

معذرت چاہتا ہوں آپ کے کام میں کیڑے نکالنا مقصد نہیں اچھا لکھتی ہیں سو چھوٹے موٹے عیوب بھی برے لگتے ہیں

 

میں تو آپ کی بہت مشکور ہوں
مجھے تو کیڑے نکالنے والے اچھے لگتے ہیں
میں پشتو بولنے والی ہوں تو مجھ سے اردو گرامر کی غلطی زیادہ ہوگی
اور یہ پہلی بار ہماری اردو پر لکھنا شروع کیا ہے
بس ابھی ابتدا کی ہے یہ سب سیکھنے کے لیے استاد کی ضرورت ہوتی ہے
لیکن میں میڈیکل کی طالبہ ہوں اس لیے اس کا وقت فالحال نہیں ملتا
یہیں پر شئیر کر کے اور طلب اصلاح لکھ دیتی ہوں تاکہ آپ جیسے کچھ اچھے جاننے والے میری مدد کریں
مجھے بہت خوشی ہوئی آپ سے مل کر اور بہت بہت شکریہ مدد کے لیے

 

You are welcome..

 

بہت عمدہ !! واہ

 

بہت بہت شکریہ محترم

 

بہت خوب اصلاح ہے۔ہرمتعلم اور مبتدی کے لیے کارآمد اور سود مند،ازراہِ کرم شعبۂ شعر وشاعری میں زبان وبیان کی اصلاحات میں اِسی طرح اپنا حصہ ڈالتے رہیں۔ہم ناپختہ کار شاعروں پر احسان ہوگا۔شکریہ

 

جی محترم بہت شکریہ، میرے پاس وقت کی کمی ہوتی ہے لہذا زیادہ وقت نہیں دے سکتا..لیکن کوشش ضرور کروں گا

 

بہت بہت شکریہ محترم