- خیر کو روحِ ہنر کرنا ہے

خیر کو روحِ ہنر کرنا ہے
ختم اگر غلبۂ شر کرنا ہے

شوقِ پرواز کو پَر کرنا ہے
آسمانوں کا سفر کرنا ہے

گھر سے نکلیں گے تو مر جائیں گے
دور یہ خوف، یہ ڈر کرنا ہے

ہم پہ غلبہ نہیں مایوسی کا
اپنے دشمن کو خبر کرنا ہے

دہر سے دور اندھیرا ہم کو
صورتِ شمس و قمر کرنا ہے

ہم ہیں وہ لوگ جنھیں خالی ہاتھ
معرکہ زیست کا سَر کرنا ہے

کرچیاں فرش پہ بکھری ہیں فصیح
رقص مشکل ہے، مگر کرنا ہے

شاہین فصیح ربانی​

 

جواب: - خیر کو روحِ ہنر کرنا ہے

خیر کو روحِ ہنر کرنا ہے
ختم اگر غلبۂ شر کرنا ہے

ہم پہ غلبہ نہیں مایوسی کا
اپنے دشمن کو خبر کرنا ہے

واہ بہت خوب