خیر کا انتظام کرتے ہیں ۔۔ مقصود علی شاہ

خیر کا انتظام کرتے ہیں
ذِکرِ خیر الانام کرتے ہیں

خاص ہونے کے واسطے، ہم لوگ
نعت کا نُور عام کرتے ہیں

دھڑکنیں بے سبب نہیں رقصاں
آپ دل پر خرام کرتے ہیں

ایک تیرا ہی اسم ہے لب پر
اک یہی کام تام کرتے ہیں

جان کی جانتے تو ہیں وقعت
زعم ہے، تیرے نام کرتے ہیں

بابِ ایجاب تک دُعاؤں کو
ہم سپردِ سلام کرتے ہیں

تابِ نظارہ ہے کہاں ہم کو
شوق بس سُوئے بام کرتے ہیں

خواب کے بعد بھی اُمیدِ خواب
صبحِ نو وقفِ شام کرتے ہیں

صرف حیرت مدینے جاتی ہے
خواب تدبیرِ گام کرتے ہیں

مَن گھروندے میں روشنی ہو جائے
یاد کا التزام کرتے ہیں

مدحِ آقائے دو جہاں مقصود
کیا تمنا غُلام کرتے ہیں
-------
Maqsood Ali Shah
مقصود علی شاہ



​

 

خیر کا انتظام کرتے ہیں
ذِکرِ خیر الانام کرتے ہیں
​

 

مدحِ آقائے دو جہاں مقصود
کیا تمنا غُلام کرتے ہیں
​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین