خیال و فکر میں ہر روز آنا جانا ہے ۔۔ شاھدالحق شاؔہد

خیال و فکر میں ہر روز آنا جانا ہے​

جہاں پہ سرور عالم کا آستانہ ہے

زمانے والوں کو یہ مرتبہ بتانا ہے
نواسہ پشت پہ ہے بندگی میں نانا ہے

چمن کے پھول بتا تازگی ملی کیسے
جواب ہوگا عقیدت یہ والہانہ ہے

نبیﷺ کا ذکر ہر اک کام میں بجا کر کے
ہے قول سب کا مقدر کو جگمگانا ہے

جو مومنین کبھی موت سے نہیں ڈرتے
انھیں پتہ ہے یہ دیدار کا بہانہ ہے

نبیﷺ کی یاد مِری زندگی کا مقصد ہے
جو سچ میں پوچھئے جینے کا یہ بہانہ ہے

یہ میرا عزمِ مصمم ہے وقتِ مشکل میں
ہمیشہ نغمہ شہِ دیں کا گنگنانا ہے

سنہری جالی کے سایے میں بیٹھ کر شاؔہد
رقم جو نعت ہوئی ہے اسے سنانا ہے
---
شاھدالحق شاؔہد​

98 واں ہفتہ وار فی البدیہہ طرحی مشاعرہ 29 تا 30 جولائی
پیشکش فیس بک ٹائمز انٹرنیشنل
​

 

نبیﷺ کی یاد مِری زندگی کا مقصد ہے
جو سچ میں پوچھئے جینے کا یہ بہانہ ہے​

 

سنہری جالی کے سایے میں بیٹھ کر شاؔہد
رقم جو نعت ہوئی ہے اسے سنانا ہے​

 

سبحان اللہ & جزاک اللہ

​

 

اللہ تعالٰی آپ کو بھی جزائے خیر عطا کرے آمین

​