خول چہروں پہ چڑھائے ہوئے آ جاتے ہیں

خول چہروں پہ چڑھائے ہوئے آ جاتے ہیں
لوگ کرتُوت چُھپائے ہوئے آ جاتے ہیں

گھر سے نکلے کوئی عورت تو ہوس کے پیکر
ہر طرف گھات لگائے ہوئے آ جاتے ہیں

جب بھی یاروں کی عنایات کا چرچا ہو تو ہم
زخم سینوں پہ سجائے ہوئے آ جاتے ہیں

کام کرنے پہ انہیں موت نظر آتی ہے کیا ?
وہ جو کشکول اٹھائے ہوئے آ جاتے ہیں

میری محفل میں مرے نعرے لگاتے ہوئے لوگ
نفرتیں دل میں چُھپائے ہوئے آ جاتے ہیں

میں زمانے کا ستایا ہوں مرے در پہ یونہیں
سب زمانے کے ستائے ہوئے آ جاتے ہیں

روز بـــــــــــاقرؔ میرے مرقد پہ مرے ہی قاتل
شکل معصُوم بنائے ہوئے آ جاتے ہیں

مُــــــــــــــــرید بــــــــــــــــاقرؔ انصــــــــــــــــاری
.
.

 

بہت خوبصورت جناب

 

کون ہےجس سے بے پردہ، وہ شوخ شمائل ملتا ہے
ہم لاکھ اٹھاتے جاتے ہیں جو بھی پردہ حائل ملتا ہے

اس جہد و طلب سے ہی قائم بنیاد ہے بزمِ ہستی کی
وہ موج فنا ہو جاتی ہے جس موج کو ساحل ملتا ہے

گو یہ تو نہیں منزل پہ پہنچے ہوں مگر یہ کیا کم ہے
اب راہی و رہبر دونوں کا رخ جانبِ منزل ملتا ہے

مدت ہوئی اک سودائی نے جب سازِسلاسل چھیڑا تھا
اب جب بھی دیکھیئے زنداں میں اک شورِ سلاسل ملتا ہے

اس موسمِ جذب و مستی کے آنے کی پھر دعائیں مانگو
جب چاکِ گریباں بڑھ بڑھ کے داماں کے مقابل ملتا ہے

 

شکریہ سلامت رہیں دعائیں