خواب میں ہی سہی اُس رشکِ قمر کی صورت ۔۔ شفیق رائے پوری

خواب میں ہی سہی اُس رشکِ قمر کی صورت
کاش آجائے نظر نوری بشر کی صورت

دیکھ کر کعبہ میں پھر کعبے کا کعبہ دیکھوں
پھر نکل جائے خدا کوئی سفرکی صورت

گھر میں جس دن سے لگا نامِ نبیﷺ کا طغرا
پھر بلاءوں نے نہ دیکھی مرے گھر کی صورت

بے جھجک مانگ لے مختار ہیں میرے آقاﷺ
دیکھتا کیا ہے اگر اور مگر کی صورت

دیکھ پھر گنبدِ خضرا کے مقابل آیا
دیکھ پھر کیسی ہے پھیکی سی قمر کی صورت

یادِ سرکارِ دو عالم ﷺسے ہے نسبت ان کو
چند قطرے ہیں جو پلکوں پہ گہر کی صورت

تم اگر پڑھ کے نکل جاو شفیق اُن پہ درود
دشت میں بھی نہ نظر آئے ضرر کی صورت
----
شفیق رائے پوری
عالمی واٹسپ گروپ "بزم نعت" کا چوہترواں شاندار طرحی مشاعرہ
فروری 2019
​

 

دیکھ کر کعبہ میں پھر کعبے کا کعبہ دیکھوں
پھر نکل جائے خدا کوئی سفرکی صورت​

 

یادِ سرکارِ دو عالم ﷺسے ہے نسبت ان کو
چند قطرے ہیں جو پلکوں پہ گہر کی صورت​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین