خراب و خستہ سا دن، خستہ و خراب سی شام

غزل

خراب و خستہ سا دن، خستہ و خراب سی شام
وہی فراق سامنظر، وہی عذاب سی شام

مرا نصیب تھی اے جاں، یہ خار خار سی رات
تری جدائی نے چن لی مری گلاب سی شام

ابھی تو پاؤں نہ رکھا تھا میں نے پانی میں
مرےگھڑے سے لپٹنے لگی چناب سی شام

اتر گیا ہے مرا دن تو شب کے دریا میں
سفر میں رکھے گی تا صبح اب سراب سی شام

یہ کشمکش ہی سبب ہے جمالِ ہستی کا
کبھی چمکتا سویرا، کبھی نقاب سی شام

ہوا نہ بڑھ کے بڑھا دے چراغ ہجر کی لو
نہ ڈھونڈ کوئے ندامت میں اب وہ خواب سی شام

بابر جاوید​

 

بہت خوب ۔۔

 

احمد بھائ بہت خوب واہ :a165:

 

انتخاب کی پسندیدگی کا شکریہ!

 

بہت عمدہ محمد احمد جی کمال کا انتخاب ہے آپ کا۔۔۔۔۔۔۔۔۔۔۔۔۔۔۔۔

 

زبردست ۔ :a180:

 

خراب و خستہ سا دن، خستہ و خراب سی شام
وہی فراق سامنظر، وہی عذاب سی شام


واہ احمد جی بہت خوبصورت کلا م ھے بہت اچھے

 

بہت خوب کلام ہے۔
محمد احمد بھائی ۔ ہم تک پہنچانے کے لیے شکریہ ۔

 

تمام احباب کا ممنون ہوں کہ اُنہوں نے اپنی توجہ اور عنایات اس انتخاب کی نظر کیں۔

:222:

 

بہت اچھا کلام ہے محمد احمد بھائی زبردست

 

بہت شکریہ عدنان بوبی صاحب

خوش رہیے۔ ! : :flor: