خالقِ اکبر ھی جانے مرتبہ سرکار کا ۔۔ بلال رشید

خالقِ اکبر ھی جانے مرتبہ سرکار کا
جا بجا قرآن میں ھے تذکرہ سرکار کا
غیر کجانب نہ دیکھو مومنو رب کے لیے
ھے ھدایت کا نشاں بس راستہ سرکار کا
ھے بڑا اعزاز انکے در سے نسبت دوستو
تاجداروں سے فزوں ھے ھر گدا سرکار کا
حیدر و صدیق و فاروق و غنی سب پر سلام
چار یاروں سے عیاں ھے دبدبہ سرکار کا
دین کے دشمن بھی فدا کارِ پیمبر بن گئے
کم نہیں ھے بخدا یہ معجزہ سرکار کا
سب نبی تعظیم کرتے ہیں شہہ ابرار کی
آدم و عیسی' سے پوچھو مرتبہ سرکار کا
جو نہیں چلتے ہیں سنت پر بلال حق نوا
کس طرح سے وہ کریں گے سامنا سرکار کا
بلال رشید​

 

اللہ تعالیٰ آپ کو بھی جزائے خیر عطا کرے آمین